| 地址 | 河背營地 |
| 日期 | 全年適用 |
又到每月一次露營活動，每次都好期待，因為的確要準備好多，單單商討要食啲乜，都會好花時間，不過到最後大家可以開開心心豐富咁食一餐，依d時間值得花。
今次選址係上星期剛經過嘅 #河背營地，一直以為呢個營地係無水源，上星期經過原來發現有自來水，雖然唔係飲食水，總可以洗下碗、洗洗手，廁所就係流動廁所，不過都可以接受。
今次地點係我目前最喜歡一個營地，因爲實在少人而且周圍亦有路線可行，全部係我鍾意短線又有靚景水塘，今次仲可以玩埋水，山水清涼透心，個個大小朋友玩到唔捨得走，夏天一定要再去多次。
星期六安頓行裝，食完午餐就去 #上清潭灌溉水塘，路程非常簡單，一般人半小時可以完成，我哋一班人玩住行、行住玩，當然花咗更長時間，沿途風光如畫，好多洋紫荊盛放，真係好靚、好舒服、好寫意。
上清潭灌溉水塘
Tai Lam, 上 清潭 灌溉 水 塘
https://goo.gl/maps/fn62GnqdQFp
而星期日早餐後向 #河背水塘 出發，已經第三次行，越行感覺越易行，眨下眼就到水塘，之後沿水塘行 #河背水塘家樂徑 ，今次竹林見到好靚禾雀花，過咗竹林不久右邊小路落就到溪流，當然要衝落水玩，環境世外桃園，好正。