地址 | 荃灣區 |
日期 | 全年適用 |
荃灣區可算是新舊社區共融一區,既有不少新樓盤,可說是年輕中產家長集中地。這區出名商場多,餐廳多,玩樂設施多。不少其他區的爸媽會專登入去玩!睇吓有乜好玩好食先。
小朋友精力充沛,玩足一日都唔攰。家長當然想一路嘆一路睇住佢哋,如果係咁,室內遊樂場就非常適合喇!
Monster Play Workshop——遊戲室需要收費,但收費合宜,還設有自由玩時段。場内有手攪車,相信無論大小朋友都未有太深認識,喜歡新鮮玩意小朋友定必喜歡,更有安全海綿池供玩樂。家長更可免費借用不同桌上遊戲,與小朋友共同享受遊戲的樂趣。
抱抱海洋館——專門玩泡泡的另類遊戲室。抱抱海洋館收費比較特別,是按每分鐘計算!館內的泡泡水由粟米油提煉而成,成分天然不傷皮膚。遊戲室設有加裝了泡泡機的兒童健身器材,如健身單車、跑步機等,小朋友一邊做運動,器材便會湧出大量泡泡。還有泡泡池,小朋友可以在泡泡裏尋找魚類食物。
荃灣宜家家居Smartland——同其他分店一樣,家長可以放低小朋友半個鐘頭,之後再返嚟接小朋友!場内會有專人看管小朋友,家長唔使擔心小朋友玩玩下唔知去邊度!入去之前小朋友需要探熱,有發燒嘅小朋心就唔可以入去喇。行完仲可以喺店内餐廳食飯,餐廳内Play Tower可以俾家長一邊享用食物一邊睇住小朋友。
愉景新城D·PARK——臨近復活節,D.Park以Angry Birds為裝飾,合理打造真人版Angry Birds!小朋友可以親手射低豬仔,又可以暢玩越野障礙滑梯 !
Candy Park by CINEMACITY ——全港首間兒童戲院。入場前有兩個兒童遊戲區:動態區有足球機保齡球及小手肌訓練玩具,設有兩張休息椅。靜態區有繪本圖書,畫板及軟積木。戲院特意安裝七彩太陽椅以及兒童椅,吸引小朋友眼球同時倍感舒適。
其他詳情: