| 日期 | 2018年 4月27日(星期五) |
講起風險管理，你可能會覺得一頭霧水，但這個「禾稈冚珍珠」嘅專業所涉及嘅範疇同工種真係多到你想像唔到！就等我方健儀話你知三件你可能唔知道有關風險管理專業嘅事～
Q: 風險管理業究竟即係做乜？
A: 其實風險管理業博大精深，所涉及嘅工種同知識絕對唔簡單！簡單嚟講，風險管理即係做好預防措施，減低意外發生時嘅損失。一般我哋會透過買保險去保障唔同嘅風險。其實日常生活與保險息息相關，例如巴士公司要為乘客買責任保險，駕車人士要買車保，公司亦都要為員工買勞工保險。無咗保險，好多企業會運作唔到，機場、交通網絡，甚至著名地標都可能要停止運作！因為若不幸遇上天災人禍，所涉及嘅賠償金額非常巨大。
Q: 除咗保險經紀，呢個行業仲有咩職位？
A: 好多人以為做呢行就等於做經紀，咁咪錯哂囉！其實業界仲有好多中台及後勤人員去支援整個行業嘅日常運作，涉及唔同專業崗位，例如精算師、核保師、理賠師、風險管理師同產品研發師等，都係獨當一面嘅專業人士，甚至有工程師、律師等轉行加入風險管理業發展所長！其實呢行發展前景理想，而且晉升機會仲好多添！
Q: 咁多人做風險管理業，咁仲有冇空缺?
A: 當然有啦！風險管理業仲有好大嘅發展潛力，社會日益富裕、人口老化等有利行業嘅發展，而各種大趨勢好似網絡安全、科技發展，以至國際地緣政治等都會帶動對風險管理服務嘅需求㗎！宜家行業嘅從業員超過十萬人，未來預計仲會請多兩萬人，當中主要係中後勤職位。其實業界歡迎任何學科背景嘅大專及大學生加入中後勤崗位，公司普遍會提供培訓，同時在職人士可報考英國、澳洲等地嘅保險專業認證，累積五至七年經驗後可晉身經理級，前景明確理想！
如果你想了解多啲風險管理專業嘅發展前景，培育子女踏上專業路，記住參加以下講座，到時好多業界猛人分享，出席嘅朋友仲可以得到$50誠品現金書劵，立即到頁底按「參加」登記留座啦~
日期：2018年4月27日(星期五)
時間：
第一場：下午1:30 – 3:00
第二場：下午3:30 – 5:00
(參加者可選擇其中一場，兩場講座內容相若)
地點：中環國際金融中心二期56樓香港金融管理局會議廳
備註：歡迎十二歲或以上人士參加