| 地址 | 香港白石燒烤 |
| 日期 | 2016 8月13日至9月4日 |
| 時間 | 11:00-21:30 |
暑假節目停不了！！！
其實，我真係一個好鍾意周圍去嘅人嚟架。。。
唔知點解，每次留喺屋企，坐唔夠三、四個鐘，
我就會變得周身唔舒服，覺得好悶，好無聊
然後，就要落樓散散步，唞唞氣架啦！
真心覺得，我呢啲咁嘅人，真係一世都唔會做得到宅女呢。。。
因為我比較怕悶
所以，每年暑假，都必定會為小朋友安排密密麻麻的節目
今年，一如以往的，去過好多地方。。。
喺剛剛嘅呢個星期六
一們家四小口連表姐仔，就去咗白石燒烤場勁玩一餐
好，去相
之前在FB 不斷見人介紹白石燒烤 x 夏日充氣水上樂園
就心思思想去玩下啦！
睇過晒啲資料之後，發覺原來佢哋係分時段入場的
咁我哋港仔港女加港童嚟架嘛
梗係選冇咁曬嘅下午四點半嗰場啦。。。。
一去到嗰下已經勁想尖叫啦。。。。
其實啲設施俾我想像中嘅好
真人同上鏡查實都係差唔多
都幾大下, 幾多嘢玩架!
細佬率先浸番個波波池浴……..爽
哥哥水上飄， 好消遙
夏日炎炎, 有乜嘢係好過玩水架….
個人嚟講，都覺得真係幾正
大人細路都啱玩!!!!!
細佬落水個樣真爆趣….哈….
呢曇水花…..一睇就知係重量級嘅表姐啦……
哇哈哈……
有表姐嘅地方, 總係水花滿天飛……
呵……真係堅好玩啊…..
擒高擒低， 放晒佢哋啲電!!!!!
啲朋友問我，會唔會好多人架…..
我又覺得OK喎，又唔會話太迫人嘅
都玩得舒服架!
不過就真係要做足防曬囉
我哋都已經唔係正午時份去，但仲係好曬呀……
其實最最最驚喜呢，就係呢個環節啦…..
第一次玩水彈大戰….超級勁過癮啊…..
表姐不幸中頭奬……
玩完夠皮，沖番個涼
大家放心， 佢個沖身區都OK乾淨嘅
睇下BBQ場有甚麼好食