| 地址 | 澳門新濠影滙 |
| 網址 | http://www.studiocity-macau.com |
| 日期 | 全年適用 |
想帶小朋友放電玩餐飽，又唔想留喺香港咁悶，周末去一轉澳門都係唔錯嘅選擇。除咗因為夠近夠方便，當地好多酒店都有完善親子配套，其中以荷里活電影作主題嘅新濠影滙，除咗大家熟悉嘅8字型摩天輪同蝙蝠俠4D多媒體飛行體驗，12月14日仲會推出全新室內飛車特技滙演「狂電派ELĒKRŎN」。趁依家做緊住宿套票優惠，快啲Plan定行程同小朋友聖誕去澳門玩番轉！
2日1夜點先玩到最盡興？我地為大家準備咗以下嘅親子行程，保證大人小朋友都有一個難忘假期！
酒店下午3點可以Check-in，放好行李後，第一站去睇最新室內全電能飛車特技滙演「狂電派」，係新濠影滙繼「水舞間」後另一話題之作。滙演長達75分鐘，動用超過70架特製電動跑車、越野車同電單車等，以極近距離上演驚險飛車同高空特技，表演團隊由來自全球9個國家的各國精英組成，包括澳洲特技車手The Kangaroo Kid，佢曾以四輪越野車飛越最長斜道而創下兩項健力士世界紀錄，實力無庸置疑，大小觀眾必定睇到嘩嘩聲！
▲表演團隊正密鑼緊鼓彩排，車隊採用環保引擎，唔會有廢氣同汽油味，小朋友入場都冇有怕！
▲提提大家，「狂電派」12月14日起公演，11月30日前購買早鳥門票可享85折，優惠詳情按此。
睇完騷想放鬆下，不如帶小朋友坐摩天輪。「影滙之星」採用「8」字形軌道設計，單睇外型已經好搶眼。觀景廂採用復古科幻裝潢，兩邊同底部設有落地玻璃，將澳門景致盡收眼底，黃昏時更可欣賞日落景色。
▲「影滙之星」連接兩座酒店大樓，高130米，坐一程約需15分鐘。
營運時間：中午12時至晚上8時（週一至週五）
上午11時至晚上9時（週六及週日）
小朋友玩咗成日梗係要補充體力，新濠影滙餐廳選擇頗多，從環球美食到豐富自助餐，可以滿足一家大細唔同口味。重點介紹今年10月新開張嘅「意滙」，主打正宗意大利美食，例如手工薄餅、意粉同精緻甜點等。
另外最方便一家開餐嘅，當然係「星滙餐廳」嘅人氣自助餐，雲集環球新鮮海鮮、國際名菜、地道佳餚、精緻甜品，餐廳仲會喺節日推出主題自助餐，供應多款應節美食！嚟緊12月仲有聖誕節自助晚餐，除咗秘製烤火雞、即煎鵝肝、澳洲和牛和新鮮龍蝦等上盛食材，仲有讓你食指大動嘅精選佳餚，大家記得留意，預早訂位喇！
▲「意滙」餐廳為你炮製充滿家鄉情懷的意大利菜。
▲「星滙餐廳」有多國美食任君選擇，早午晚三餐都可以擦餐飽。
特別介紹帶小朋友去放電嘅好地方，佔地逾3萬平方呎嘅「華納滿Fun童樂園」係必玩之選。一般Playroom只有波波池同瀡滑梯，呢到齊集各類互動遊樂設施，當中唔少仲係機動遊戲，好似輕量級跳樓機、宇宙飛船同賽車場等，全部入場任玩兼無限時間！挑戰膽量同身手外，仲可以同大人細路都咁鍾意嘅華納兄弟卡通人物見面。不過要留意大部分設施設有身高限制，始終要以小朋友安全為大前提。
▲經典卡通角色不時出沒，全家開心Selfie最啱！
▲小朋友變身賽車手，坐上戰車鬥快衝向終點！
營運時間：上午10時30分至晚上7時（週一至週日）
下半場一於去玩「蝙蝠俠夜神飛馳」，呢個係以蝙蝠俠為主題的4D多媒體飛行體驗，蝙蝠迷梗係要去朝聖啦！爸媽同小朋友可透過大屏幕，同蝙蝠俠一齊勇闖葛咸城，乘坐蝙蝠戰機穿梭大廈間，同頭號罪犯展開連場追逐，一一將佢哋繩之於法！故事緊張刺激之餘，座位仲會配合劇情震動，加埋聲效同強風等效果，帶俾大家多重感官享受。
▲夥拍蝙蝠俠儆惡懲奸，展開4D冒險飛馳之旅。
營運時間：中午12時至晚上8時（週一至週五）
上午11時至晚上9時（週六及週日）
想體驗以上娛樂設施，再睇埋全新特技Show？臨近12月，酒店最近推出咗一系列新嘅超抵套票，依家預訂「狂電派」滙演住宿套票就最抵玩！套票都係港幣$1,399起，已經包咗1晚「明星經典客房」、2張「狂電派」C區門票、以及澳門幣$100娛樂門票現金券，仲可兼享戶外游泳池、「明星滙」健身中心、免費本地通話同無線上網，有興趣記得提早book房喇！
預訂日期：2018年11月13日 – 2019年3月31日
住宿日期：2018年12月14日 – 2019年3月31日
按此立即預訂
*所有價格及附加費用均需加收10%服務費及5%政府稅。；住宿優惠需視乎供應情況而定且及需預先訂房。
*滙演住宿套票不適用於「狂電派」無表演日