| 地址 | 海洋公園 |
| 網址 | http://goo.gl/X7WBr2 |
| 日期 | 2018年12月15日至2019年1月1日 |
今個聖誕去海洋公園，唔止見到大小熊貓同海獅等動物明星，仲有成班春田花花同學仔！「海洋公園聖誕全城 HO HOHO」將於2018年12月15日至2019年1月1日舉行，公園首次同超人氣香港原創卡通麥兜合作，除咗推出麥兜主演嘅音樂劇場，仲有可愛得意嘅麥兜主題美食，快啲同小朋友去海洋公園「兜一轉」，感受聖誕開心氣氛！
麥兜今個聖誕粉墨登場，踩入怡慶坊舞台，上演麥兜音樂劇場《麥兜．出走的魚蛋》！故事講述主角魚蛋弟弟遇上「魔廚母子檔」麥兜同麥太，上演連場搞笑又溫馨嘅情節。除咗有麥兜載歌載舞，仲請嚟吳君如鬼馬聲演「麥太」一角。值得一提嘅係，音樂劇場不另收費，各位粉絲唔好錯過啊！
▲麥兜仲會跳出劇場，拍住麥嘜現身香港老大街，同大小朋友見面兼合照。
▲麥兜音樂劇場《麥兜．出走的魚蛋》。
海濱樂園廣場已經變身聖誕派對場地，最搶眼肯定係高40呎嘅巨型互動聖誕樹。只要將同家人朋友嘅合照上載到Instagram，照片就有機會顯示喺樹上嘅LED螢幕，共享歡樂時光，仲有機會贏取機票!廣場內仲有聖誕老人屋同詩歌隊合唱等傳統節目，一家大細可以齊齊盡興！
▲公園濃濃嘅聖誕氣氛以及滿佈聖誕裝飾，絕對係打卡Selfie熱點。
小朋友鍾意整手作，咁就要參加工作坊，親手製作威威造型嘅聖誕樹小掛飾，並寫上祝福字句，呢份禮物好有意義。記得參加埋巡遊，感受節日熱鬧氣氛，小朋友一定睇到嘩嘩聲！
聖誕點少得食大餐？活動舉行期間，園內餐廳特別推出超過30款麥兜主題美食，從西餐、便當、街頭小食、甜點同餐飲一應俱全，賣相可愛爆燈，見到都唔捨得食啊！夜晚更可以喺熊貓薈食個豐富聖誕自助晚餐，超過35款美食，阿拉斯加蟹腳、龍蝦米多、加拿大翡翠螺等等任食，為旅程畫上完滿句號，大人小朋友都咁開心！
想更加開心？依家智紛全年證或禮券做緊3張65折，全年想同小朋友去多幾次海洋公園又或者想送禮都掂晒！快啲上網買啦➡goo.gl/X7WBr2
▲阿拉斯加蟹腳、龍蝦米多、加拿大翡翠螺等等無限量供應。（供應餐廳：熊貓薈「幻彩聖誕自助晚餐」）
▲必定要品嚐佳節限定的聖誕雜果牛油麵包及聖誕樹頭蛋糕。（供應餐廳：熊貓薈「幻彩聖誕自助晚餐」）
▲麥兜春田花花聖誕大餐（供應餐廳：冰極餐廳）
▲麥兜春田花花聖誕旅行便當（供應餐廳：熊貓薈）
海洋公園聖誕全城Hohoho
2018年12月15日至2019年1月1日
詳情：goo.gl/X7WBr2