地址 | 愉景灣大白灣沙灘及愉景廣場 |
對象 | 3至10歲小朋友 |
網址 | http://dbeasteregghunt.com/web/zh/index.php |
日期 | 2019年4月19及20日 |
時間 | 上午10時30分至下午6時30分 |
農曆新年過咗無耐,話咁快又要準備復活節活動,今年一於去大白灣沙灘盡情放電!一年一度「愉景灣沙灘獵蛋奇兵」將於4月19及20日(星期五及六)舉行,多隻色彩繽紛嘅復活蛋等緊小朋友嚟掘,隨時贏走豐富獎品添!記得去埋「繽紛天地」,6款大型充氣遊戲同多個攤位遊戲等住你地!
只要小朋友年齡介乎3至10歲,就可以報名加入成為「獵蛋奇兵」。成功掘出復活蛋即可換領指定獎品1份;掘到巨蛋嘅話,仲有機會獲得特別大獎,特別大獎禮品總值高達HK$9,000!另外,每位參加者都會獲贈歡迎工具包同優異證書,人人滿載而歸。
除咗掘蛋活動,愉景廣場同大白灣沙灘更設置「繽紛天地」,現場有6款大型充氣遊戲同多個攤位遊戲,俾大小朋友任玩任跳,感受復活節開心氣氛!
不過想去玩先要報名,3月7日(星期四)上午10時起可以登入「購票通」 進行網上登記*,每張獵蛋證嘅行政費為HK$200(不包括由購票通收取嘅手續費)。提提大家活動名額有限,有興趣就要快手報名,先到先得㗎!如果經香港愉景灣酒店預訂「復活節住宿套票」^,亦可獲得獵蛋證1張,有得住又有得玩。
「愉景灣沙灘獵蛋奇兵」2019及繽紛天地
日期:4月19及20日(星期五及六)
時間:上午10時30分至下午6時30分
地點:愉景灣大白灣沙灘及愉景廣場
獵蛋組別:A組(3-4歲)、B組(5-6歲)、C組(7-10歲)、D組(3-4歲)
遊戲:獵蛋活動、充氣遊戲及多個精彩攤位遊戲#
網上登記:「購票通」網站(於3月7日上午10時起公開報名*)
活動詳情:愉景灣沙灘獵蛋奇兵2019
*獵蛋證僅限網上登記,每次只限登記兩張,恕不接受門市或電話登記。獵蛋證名額有限,先到先得,額滿即止。
^請登入香港愉景灣酒店網站或致電2295 8288查詢「復活節住宿套票」詳情。
#基於安全理由,充氣遊戲只適合身高90至140厘米之小朋友參加。