【過個綠色暑假】好玩環保日營　齊齊變身「綠色小人類」

香港氣溫愈嚟愈高，夏天隨時熱到爆燈，大自然已經響起警號！為下一代着想，爸媽身體力行實踐環保外，最重要教小朋友拯救環境，學懂愛護地球，今個暑假俾佢哋參加「綠色小人類—可持續生活日營」就啱晒！

活動由香港浸會大學及生物資源與農業研究所主辦，去年推出時反應熱烈，今年載譽歸來，分為一天體驗日同三天日營。除咗參觀「可持續資源館」，仲有互動講座同工作坊，小朋友邊玩邊學環保知識。

▲活動安排專家教導小朋友認識生態災難。

▲小朋友參加工作坊，齊來做個「綠色小人類」。

一天體驗日︰

小朋友可以喺體驗日了解生態現狀同危機，例如參觀以未來科幻世界作背景嘅「可持續資源館」，有4大展區，佔地2500方呎。館內設有180度4D全景螢幕，「見證」人類因各種活動而造成生態危機，認識有機耕種同可持續生活，改變地球命運。

其他活動包括工作坊，小朋友可以參加「種子書籤工作坊」，嘗試將物品循環再用，傳遞保護環境訊息。至於「種植工作坊」可以學習從食材取種、育苗種植，到親手製作育苗杯。仲有機會製作簡單太陽能應用裝置，將太陽光線轉化成電力，實踐可持續生活。最後將分組規劃循環城市，同其他小朋友分享創意設計。

日期：2019年7月18日（四）、19日（五）、23日（二）、24日（三）
時間：上午9時半至下4時（毋須晚宿）
對象：8-12歲
費用：每位港幣 $220（費用包括午餐）
      【二人同行優惠：每位港幣 $200】
報名：https://forms.gle/GCh7ayx7juokLDUH8

▲小朋友齊齊參觀「可持續資源館」。

▲製作簡單太陽能應用裝置。

▲「可持續未來城市規劃」設有金、銀、銅組別獎。

三天日營︰

日營已包括以上體驗日活動，小朋友並會組成「A.D. 2300地球救援隊成立」，用回收物資嚟設計隊名、組牌同口號。同時利用廚餘進行堆肥，明白減廢嘅重要性，學習將資源循環再用。第二日則參觀有機農場，認識各種生物資源，挑戰農耕任務。另外，齊齊參加「有機育苗創意藝坊」加埋STEM趣味科學小實驗，小朋友開心長知識，完成所有訓練後仲會頒發證書！

▲小朋友學懂利用廚餘進行堆肥。

▲參加者可以一嚐農耕滋味。

▲小學員專注進行科學小實驗。

日期：2019年7月29日至31日 （星期一至三）　
時間：上午9時半至下午3時半（毋須晚宿）
對象：8-12歲
費用：每位港幣 $1,200 （費用包括午餐及活動之間交通安排）
【二人同行優惠: 每位港幣$1,020】
報名：https://forms.gle/cHSNsf9ZTQT1oHRWA

活動名額有限，先到先得，如有任何查詢，請致電3411 6620，與黃小姐聯絡，或電郵至iba@hkbu.edu.hk。