【水豚出沒迎新年】海洋公園新春5大活動亮點率先睇


鼠年就到,假期除咗去同親友拜年,別忘金鼠家族的重量級代表—水豚喺海洋公園等你嚟探佢呀!依加一家大小去海洋公園玩,3至11歲小朋友及65歲或以上長者均可免費入場*,非常抵玩,仲有好多節目俾小朋友邊玩邊認識保育,最後睇埋最新光影盛夜show,由朝玩到晚,一齊睇下5大活動亮點啦!

 

1. 超可愛水豚互動打卡區

鼠年影全家福要夠萌,緊係同金鼠家族同屬齧齒類嘅水豚影啦!一隻隻水豚已經換好新春服飾,快啲去捕捉佢哋嘅蹤影!


▲肥嘟嘟嘅水豚喺陽光底下浸溫泉,樣子趣緻。

▲小朋友可以同水豚一齊打大鼓。

▲新年緊係要同財神爺拜年,初一至初九記得去搵財神爺逗利是!

2. 保育學堂邊玩邊學+製作水豚揮春

水豚可愛又呆萌,想認識佢多啲,就要去熱帶雨林天地的呆萌水豚解碼!教育大使將帶領小朋友觀察水豚,認識水豚的獨特牙齒結構,了解點樣幫佢哋打造安樂窩!初一至初九期間參與「新春水豚學堂」,小朋友還可以親自製作水豚揮春,向親友送上祝福。記得去埋威威天地,搵「海洋保衞隊」同小朋友一齊「救救小企鵝」,透過影像投影互動遊戲,認識保育的重要性!


▲威威天地有「海洋保衛隊」和「救救小企鵝」影像投影互動遊戲等大小朋友挑戰,邊玩邊學,實行寓教於樂!


▲小朋友可以自製水豚揮春。

3. 世界級賀年變面Show

上完堂,跟住去香港老大街睇精彩國術表演。國術變臉世界紀錄保持者韋瑞群大師和世界表演藝術錦標賽全球金獎得主韋飛雄會為大家表演變臉絕技,大小朋友都會睇到嘩嘩聲!仲有威威與好友穿上喜慶賀年服飾喺夢幻水都人工湖旁同小朋友載歌載舞開派對,記得搵佢哋影相啦。



▲威威與好友們着晒新年裝,好可愛!

4. 開運美食

睇完show,是時候醫肚仔,海洋公園指定餐廳準備咗一系列新春意頭菜式,例如「橫財就手」(南乳炆豬手)、「富貴黃金蝦」等,而餅店及小食亭均推出各式滋味賀年小食,大、小朋友大飽口福!


▲水都餅店推出多款精緻賀年甜品。
 
▲「橫財就手」(南乳炆豬手)。

▲柑桔熱情果慕士杯。

5. 全新「光影盛夜」

玩到入夜緊係睇埋個光影show先走啦!全新嘅「光影盛夜」已經揭開序幕,由來自蒙特利爾、獲獎無數的多媒體工作室Moment Factory傾力製作,帶大家投入驚喜滿載嘅全感官之旅,仲可以邊食邊睇添,日夜都咁精彩啊!

着數優惠

即日起至3月31日,3至11小童同65歲或以上長者都可以免費入海洋公園玩*,長者仲有得享用纜車特快通行,同埋多個園內餐飲購物優惠,農曆新年快啲帶晒一家老少一齊去海洋公園過一個好玩又有意義嘅新年啦!

*受條款及細則約束

更多詳情﹕https://bit.ly/30tR9LP


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

靚聲選秀 :《仙樂飄飄處處聞》經典DoReMi|百老滙音樂劇國際巡演.香港站
兒童濕疹 : 中西醫對策|Oh!爸媽講座.免費登記
送Sooper Yoo套票 | 挑戰體能+VR體驗 盡情放電
奧比斯「放電嘉年華」慈善步行2024 | 行山做善事+遊戲玩樂體驗
送《劇場版 角落小夥伴 奇幻的玩具工廠》電影換票證 | 展開奇幻探險之旅
送Sun Life永明繽FUN跑:Pokémon Run Hong Kong 2024 名額連跑手包
查看更多   ▸