親子好去處︳同小朋友一齊整麵 x 3個工作坊 | 合味道紀念館香港︳和牛b的成長日記


九龍尖沙咀中港城2樓26-35號
全年適用

想問下大家,屋企必備嘅食物係咩?

梗係即食麵同杯麵啦,有時夜晚肚餓想食個宵夜。

第一時間一定係諗到淥個合味道杯麵食下先,又或者開火煮個出前一丁都一樣好滿足!!

介紹返,日清食品嘅「合味道紀念館香港」登陸香港啦!!
地點仲好方便,係旺區嘅尖沙咀!!

昔日喺機場嘅「日清合味道杯麵工作坊」亦已經關閉咗了~
舊文重溫: https://bit.ly/3u0Fguq

2021新開嘅紀念館入面,仲有三個工作坊「我的合味道工作坊」、「穀物麥片工作坊」(全球獨家限定)、「出前一丁工作坊」*
*「出前一丁工作坊」於4月中正式開放,大家密切留意官方網站售票情況哦!!

認識日清食品多年來嘅發展里程碑,以及安藤百福嘅三大發明。

打卡位杯麵牆、巨型大杯麵,當然唔少得紀念品店啦~

杯麵牆絕對係無紀念館入面最矚目嘅打卡位之一!
牆上齊集來自全球各地唔同口味、包裝嘅合味道杯麵!!

巨型大杯麵,必影打卡位~

呢個巨型杯麵係以「安藤百福先生」喺生產過程中,以逆向思維突破既有思考框架而設。呢個大杯麵有成3米咁高。

事不而遲,等我率先為大家分享三個工作坊啦~~

首先為大家介紹,全球獨家限定嘅「穀物麥片工作坊」。

呢個工作坊係特香港先有,所以一定要玩呀!!!

工作坊可以了解到,由香港製造嘅穀物麥片嘅製作過程!

全球獨家限定嘅「穀物麥片工作坊」時長大概30分鐘。

清仔會帶領各參加者一齊製作,同了解穀物麥片嘅製作技巧。

可以進行互動遊戲,加深了解。

然後就可以使用台上嘅顏色筆,於穀物麥片包裝杯上畫上你鍾意嘅圖案~

發揮創意嘅好時機呀~

仲要記得揀選自己鍾意嘅口味~

就可以過嚟呢邊,由職員幫手加工啦~


^日清Granola嘅食材配料


^ 包裝已設計完成,亦選好口味,就可以去加工啦


^ 超期待嘅和牛B~


^ 完成自己嘅日清穀物麥片啦~

第二個工作坊就係「我的合味道工作坊」。工作坊時間大概30分鐘左右。

首先,參加者先領取一個合味道杯及蓋。

利用台上提供嘅顏色筆進行創作,在杯上畫公仔寫字亦都得~
仲要記得揀選自己鍾意嘅杯麵口味呀~

話咁快就完成咗自己畫嘅杯~

進行逆向思維突破既有思考嘅生產過程,呢個過程參加者自己都可以親手試~

然後就係加入配料啦~


^ 完成~~


^ 最後加埋包裝袋,方便帶走

「出前一丁工作坊」
如果鍾意食出前一丁嘅你,一定會超期待超想參加!!

呢個工作坊大概90分鐘,入面會讓大家從頭開始去製作屬於自己嘅出前一丁。

由搓揉麵粉到切麵,使用「瞬間熱油乾燥法」炸乾麵團,到包裝設計等步驟,都係由參加者一手一腳去完成~

認真嘅和牛B,整個過程都唔需要由大人嚟幫手,自己完成堅持到最後一刻。

開始設計自己嘅出前一丁包裝啦~

最後等待封口,自己整嘅出前一丁就完成啦~

包喺頭上嘅頭巾,仲可以變成便當袋帶走!!
又學多咗一個技能啦~~

感謝Ronald哥哥嘅指導~

*「出前一丁工作坊」於4月中正式開放,大家密切留意官方網站公佈哦!

紀念品店

離開「合味道紀念館香港」前,一定要去嘅紀念品店。


^ 清仔袋~


^ 清仔毛巾


^ 會場限定杯麵套裝


^ 必買!


^ T Shirt

^ 金合味道同埋金出前一丁!!


^ 合味道保溫瓶


^ 清仔湯麵碗


^ 出前一丁快勞


^ 合味道快勞

紀念品店免費入場。

今次係一個開心愉快嘅體驗,我哋參加率先試玩咗三個工作坊,所以都好似豐收一樣。
而三個工作坊嘅票價、時長都唔同。

大家可以揀啱想去嘅工作坊,報名參加哦~

馬上報名: https://www.cupnoodles-museum.com.hk/

票務詳情:入場收費/人 (成人及小童同價)

– 我的合味道工作坊: HK$60 (30 分鐘)
* 三歲以下小童如有成人攜同 並不會佔用任何座位,即可免費入場 (成人人數必須跟小童人數相等)

– 出前一丁工作坊: HK$120 (90 分鐘) *於4月中正式開放,大家密切留意官方網站公佈哦!
* 身高110cm以下人士不可入場

– 穀物麥片工作坊: HK$60 (30 分鐘)
*三歲以下之小童不可入場參與

*所有參加者必須準時參與工作坊,逾時不候

 

【合味道紀念館香港@尖沙咀】
地址: 九龍尖沙咀中港城2樓26-35號
開放時間:
逢星期一、二、四、日:上午11時15分至下午8時15分
逢星期五、六及公眾假期:上午11時15分至下午9時15分
逢星期三:休館

————————————————–

MeWe專頁: https://mewe.com/p/和牛b的成長日記
Facebook專頁: 和牛B嘅成長專頁

Instagram: wagyubmami

作者: 和牛b的成長日記

相關文章:

【和牛B成長日記】媽媽心聲 細時想佢快啲大 大時想佢唔好大得咁快

【和牛b的成長日記】育兒心聲︳每當寶寶睡著,都好想錫醒佢。醒咗又想佢瞓返


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

送Sooper Yoo套票 | 挑戰體能+VR體驗 盡情放電
送《劇場版 角落小夥伴 奇幻的玩具工廠》電影換票證 | 展開奇幻探險之旅
送新城市廣場 x HomeSquare利是套裝 | 繩結藝術溫馨打卡賀新春
3大室內遊樂場「買一送一」暢玩2小時低至$25/位 全日適用無時段限制︱ 森林探索樂園 /躲貓貓樂園/探索家樂園
復活節好去處|iSQUARE 充氣樂園 3大吸睛玩樂區 5米闊「智脆菠蘿油迷宮」+ 4米高「 港式熱奶茶」+ 11米長巨型美食街樂園
奧海城 3,000呎吹氣尋蛋樂園 5米巨型滑梯+復活蛋波波池 每日贏取88隻 Kinder奇趣蛋
查看更多   ▸