| 地址 | 大阪府枚方市枚方公園町1-1 |
| 費用 | 詳見內文 |
| 網址 | http://www.hirakatapark.co.jp/ |
| 日期 | 全年適用 |
暢玩主題樂園，是不少家庭的親子遊指定動作。去大阪的家庭，注意力自然落在環球影城上。不過若果想有個地道一點、悠閑一點的體驗，就不要錯過枚方公園！公園有逾百年歷史，陪伴當地人成長；場內有逾40個遊戲設施，既有驚險的機動遊戲，亦有啱晒幼童玩的得意設施。園內又有小型動物園、玫瑰園，不時舉辦主題展覽，包保大小朋友都玩得開心，重拾童心。
位於京阪本線「枚方公園站」的枚方公園，佔地面積16萬平方公尺，由京阪電鐵營運，前身香織遊樂園早於1910年開始營業。自2001年環球影城開幕後，枚方公園的入場人數就銳減，成為大阪入場人次第二高的主題樂園。園內現時有42個遊樂設施開放中，購買Free pass可以一次過玩盡所有設施：
成人入場費1,400円，連Free Pass 4,400円；
小學生入場費800円，連Free Pass 3,800円；
2歲以上幼童入場費800円，連Free Pass 2,600円
想知道有幾多個遊戲適合自己小朋友玩？出發前上官網用其篩選器，輸入小朋友年齡及身高，就一目了然。
(枚方公園網頁截圖)
在眾多機動遊戲中，木製過山車最受歡迎，最高時速58公里，講不上很高速。但因為木製，過程中會感受到搖晃並聽到「吱吱聲」，份外緊張。只要身高有110cm，小朋友一樣可以挑戰。嫌不夠刺激，還可以挑戰全長約1300尺，時速達70公里的「紅隼」過山車。
園內的跳樓機、激流、八爪魚等都是大熱之選。值得一提的是摩天輪，登上後可以大阪市的景色。不過園方相當鬼馬，40卡車廂之中，有4架是黑色設色，裏面看不見窗外景色，官方Facebook指其實坐上亦是難忘的體驗，真係要玩過至知！
園內亦有適合幼童玩樂的設施，包括可以見盡Sanrio主角的咖啡杯、與麵包超人主角空中散步、扮消防員救火、經典的旋轉木馬等等，數之不盡。
下頁：不能錯過的兒童樂園！