【感受日本新年傳統】日本達摩不倒翁進駐wtc more世貿中心︳親子好去處

日本人過新年會到神社參拜，並會購買象徵住百折不撓、勇氣同毅力嘅不倒翁許願，祈求心願達成。今年wtc more世貿中心就將呢個日本習俗帶咗嚟香港，設有不倒翁祈福寺廟，等大家可以於新春期間前往影相留念。

場內有接近100個唔同大細嘅不倒翁吉祥物，唔同顏色都有唔同嘅含意，例如金色代表「金運獲得」、紫色代表「開運招福」、粉紅色代表「戀愛成就」、紅色代表「家內安全」、綠色代表「學業成就」以及白色代表「無病息災」等等。爸媽記得帶孩子同綠色不倒翁影相，話唔定出年成績會突飛猛進！

此外，商場仲吊掛住以12生肖為主題嘅天燈，每一個生肖都用唔同物料製作，天燈旁邊更以粉紅色系嘅水晶作點綴，係另一個絕佳影相位。