地址 | wtc more世貿中心P1中庭 |
電話 | 25764121 |
日期 | 2017 1月12日至2月14日 |
時間 | 10:00-22:00 |
日本人過新年會到神社參拜,並會購買象徵住百折不撓、勇氣同毅力嘅不倒翁許願,祈求心願達成。今年wtc more世貿中心就將呢個日本習俗帶咗嚟香港,設有不倒翁祈福寺廟,等大家可以於新春期間前往影相留念。
場內有接近100個唔同大細嘅不倒翁吉祥物,唔同顏色都有唔同嘅含意,例如金色代表「金運獲得」、紫色代表「開運招福」、粉紅色代表「戀愛成就」、紅色代表「家內安全」、綠色代表「學業成就」以及白色代表「無病息災」等等。爸媽記得帶孩子同綠色不倒翁影相,話唔定出年成績會突飛猛進!
此外,商場仲吊掛住以12生肖為主題嘅天燈,每一個生肖都用唔同物料製作,天燈旁邊更以粉紅色系嘅水晶作點綴,係另一個絕佳影相位。