| 地址 | 馬灣 |
| 日期 | 全年適用 |
平行時空的街道+遊樂場+隱世沙灘
5/4/2021
我哋去咗一個寧靜小島——馬灣 ，距離港鐵站只係15分鐘車程， 交通方便 ，而且冇長洲咁爆多人。
今次分咗上下半場玩，玩足一日，放哂小朋友嘅電。
上午，我哋去咗行山，今次真係簡易行山 ，來回唔使一小時。連小朋友都話好易行，因為佢哋平時行開都算多樓梯，路程又長。
段路大部份都係上斜石路或泥路，有些樓梯，但不多樓梯，沿路亦會時常見到青馬大橋 ，而且景色開揚。
到達隱世沙灘，但落去要踏過小石頭，年紀小嘅小朋友可能不宜落去，其他人記得要注意安全啊，但個隱世沙灘已經唔再隱世，超多人，而且好多垃圾。真係自己垃圾自己帶走﹗之後沿路折返。
