| 地址 | 香港新界沙田文林路一號 |
| 日期 | 全年適用 |
無論係下雨天還是天氣太熱，博物館幾時都係一個親子好去處，小朋友有得玩之餘，仲可以從中學習！沙田的「香港文化博物館」喺沙田市中心，交通方便，帶住小朋友去都唔麻煩。「香港文化博物館」最吸引的一定係「兒童探知館」，展館分為8個學習遊戲區，當中Aidan最愛係「米埔沼澤」區探索，「深入地底」認識生活在地底下的小動物，又可以認識本地考古學家的工作，認識香港神秘的出土文物。
「農村生活」展館，哥哥可以扮吓小村民，體驗下在農村生活的景象。
仲有一個圖書角，入面的圖書選擇都幾多，喜歡睇書的小朋友就啱晒。
展館仲設有「香江童玩」展覽，展出香港設計的懷舊玩具，哥哥對某些古董玩具好感興趣，但好可惜而家無咗試玩區，無得俾小朋友玩下舊時的玩具。
但因為疫情關係，以往最受歡迎的觸碰式互動展品和電腦遊戲都暫停開放，無咗好多可以玩的地方，所以小朋友都有小小失望，家長可以考慮吓等之後重新開放遊戲時再去玩都未遲。
全館的展覽廳都可以免費入場，下一篇再同大家介紹下
另外，博物館內的餐廳裝修緊，要到6月尾先重開，所以大家要食咗飯先好去參觀呀。
~~~~~~~~~~~~~~~~~~
香港文化博物館
地址: 香港新界沙田文林路一號。
交通 :
乘搭港鐵至車公廟站（A出口）再步行5分。
沙田站（A 出口）再步行約 15 分鐘。
—————————————
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : [email protected]
作者：安妮媽媽親子日記
