日期 | 全年適用 |
一直好想去camping,想chill住咁親親大自然,之前去左大家都好好奇既新場浪人舍,佢哋提供日營,啱晒想體驗camping既朋友。
浪人舍位於大嶼山,佔地不算大,但環境好舒服,進入營地前還遇上牛牛呢。
今次日營體驗完成了我兩個小小的願望:
由浪人舍行5分鐘就有隱世沙灘,我哋好似包左個沙灘咁,想點玩點影都得啦!
營地
被彩色帳幕圍繞,超好打卡!
場內有吊床(小火子超愛玩),梳化,搖搖椅,感覺優閒,面積不算很大,但可以容易掌握小孩去向,媽媽覺得不錯。
帳篷
提供獨立帳篷,我們今次使用既係小火子最愛既紅色帳篷, 帳篷設計帶點印第安風情,很可愛。帳篷內有座地式空調,雪櫃,獨立洗手間等,也有花灑,可以暖水沖身。至於具印第安風既圓形床 除左打卡一流外,兩個小朋友仲跳得好開心~
沙灘
玩水打卡是今次的重點項目!
浮床與水泡都是自備 的,用電泵充好氣後就衝沙灘囉!(上述物品都購自玩具街)
我們到訪那天天陰,如果天氣好沙灘應該會更美。
可能天氣關係,水不算很清但沙就很幼。
獨角獸浮床真的超好拍!
但在海中就容易因為大浪而會反,充當道具吧~
但近岸都很淺水,很安全的。來輯沙灘照,小孩盡情玩沙玩水就消磨了一個下午。
營地BBQ
營地提供燒烤爐,如果想燒烤就要自備食物與工具,我們先於東薈城Taste 購買食物所需物品,那間Taste超大,物品頗一應俱全,但如果想食物有更多選擇,可以考慮去富東街市。
建議一定要買燒烤網,基本上食物都是放上燒烤網快烤,輪流負責烹調食物,就可以遠離火爐,邊歎食物邊談天,chill啊!
Camping注意事項(以今次體驗為主)
首次camping的人的不專業分享:
Camping初體驗,海水加汗水⋯⋯
玩完一日的確要休息返三日,
但可以同家人朋友喺咁靚嘅環境,
享受輕鬆嘅時光,老土講句回憶無價!!
浪人舍
地點:大嶼山塘福泳灘旁(位於梅窩與大澳 中間)
WhatsApp查詢: 54814374
如何前往
收費:平日至假日 $250-350/小時 for 10個人一個營、平日租8小時人均最平都係$200