親子Staycation︳孩子友善又食得好既住宿體驗@Hotel Icon︳貓町媽媽


hotel icon

計劃去staycation,想有度假feel,但又想交通方便,一間高質既套房絕對可以令住宿體驗level up很多!

就像早前我們一家於Hotel Icon入住的Club 65套房,小火子一入房就話「發達啦!」因為房間超大仲有兒童帳蓬! 絕對是可以歸納為總要豪一次既房型。

超豪華套房

不過經 @KKday 預訂繽紛家庭住宿優惠,已包Club 65套房連早餐+HK$1300餐飲消費額,平日都係3000幾蚊,套房又有免費迷你吧,提供橙汁及汽水等飲品,變相又抵咗!

今次入住的是位於19樓的Club 65套房,套房劃分為snack bar及工作間,有超舒服梳化的大廳,窗邊有玻璃桌同貴妃椅,空間超大,小孩在房間已經可以放電。

睡房超大嘅牀旁邊仲有兒童帳蓬同mini兒童睡牀,媽媽見到都心心眼。

睡房同客廳都有大電視,客廳既電視更有Apple TV,其中kids station仲有一個頻道係Minecraft,小火子好似發現寶藏咁呀!

套房設有兩個洗手間,而king size浴缸絕對夠家長與孩子一齊浸。開心大發現就是原來浴缸旁也有電視,邊浸邊看喜歡的節目,雙倍relax呢~

美中不足就係房間景觀雖然可以望海,但日間就會望到旁邊大廈嘅天台,但夜晚維港兩岸既大廈亮燈後,景色就會靚好多啦,食住cake欣賞夜景,so chill~

房間的配置也令人有驚喜,除了有浴鹽,body lotion外,風筒是dyson的,而緩降的廁所板可以減低噪音也是加分位。

小童尊屬用品

今次呢個家庭plan,都幾重視小朋友。 房內放置了顏料與面具; 兒童帳蓬內又準備了小童拖鞋,浴袍,玩具,太陽眼鏡及小熊公仔, 而浴室也有小童坐廁板和膠凳。 小朋友開心之餘,作為家長覺得這些安排都蠻貼心。

Welcome cake 及 免費迷你吧

進入房間便看到桌上的welcome cake,而迷你吧的小食,咖啡與雪櫃內的飲品都是免費的,晚上玩board game或看電視時享用就最適合了。

具氣派又實用的工作間

工作桌旁有很多充電位,printe、文具也有提供,日里萬機的爸爸在孩子休息後想找一個工作間也絕對沒有問題。

Timeless Lounge及室外池畔平台

位於酒店9/F既Timeless Lounge 有PlayStation 4電子遊戲機、桌球及足球機、每張桌上亦有不同既桌遊。

雖然每間酒店而家大都設有遊戲室,不過Timeless Lounge樓底高而且落地玻璃採光良好,感覺更加悠閒。

不過留意番遊戲機只得一部,玩唔玩到就要睇運氣啦。不過其實玩完房間又游水,再食野,應該無時間打機~

室外游泳池唔算大,但景觀開揚,在池邊放空一下都唔錯,趁無人,盡情影下相先。

要讚一讚Timeless Lounge的員工很貼心,游水時主動向我們提供口罩套放口罩及幫小火子的水泡充氣。在lounge遊玩時,也有耐性地教小火子玩電動彈珠機,讚一個!

包餐飲優惠券港幣 $1300及自助早餐

去玩當然想食好啲! Package連dinning credit ,我哋就選擇左大堂既西餐廳green, 最好預先訂位啊!我們點了兩份晚市套餐,加一份兒童餐,房客於酒店餐廳內消費享85折,埋單$1200幾,budget剛好。

Hotel Icon既餐飲一向出色,green的食物也很有水準,龍蝦湯香濃而且有啖啖龍蝦肉,主菜牛柳配龍蝦也沒有讓人失望,小火子超愛這個牛柳,吃完一口又一口。

Hotel icon既buffet口碑一向好好,隨package附送的breakfast buffet食物選擇超多,沙律及水果夠新鮮,熱食也有很多選擇,煙肉腸仔及蕃茄等就岩哂小朋友。

繽紛家庭住宿優惠

  • 入住Club 65套房一晚^(只限兩位成人及最多兩位小童入住#)
  • 自助早餐(只限兩位成人及最多兩位小童#)(根據酒店實際情況,早餐或許會於Silverbox宴會廳內供應)
  • 餐飲優惠券港幣 1300元* 以每房每晚計算 (入住日起3個月內有效,適用於酒店所有餐廳及客房內用餐)
  • 套房內設置特色兒童帳幕(視乎供應而定)
  • 入住期間可享用一套小童尊屬用品,包括浴袍、拖鞋、洗漱用品、小童坐廁板和玩具
  • 套房內設免費迷你吧,包括指定零食、汽水和酒精飲品
  • 免費使用9樓的Timeless Lounge及室外池畔平台,如PlayStation 4電子遊戲機、PlayStation VR、桌球及足球機

預訂:https://bit.ly/3kUspIK

暑假酒店第一擊已經超滿足! 之後有好玩的再與大家分享!

謝謝收看,如果喜歡貓町媽媽的文章或想觀看更多親子玩樂情報,歡迎到訪貓町媽媽的Facebook專頁:
<貓町媽媽 親子 玩樂 扮靚日誌>
https://www.facebook.com/catdingmama/

加我IG: catdingmama
https://www.instagram.com/catdingmama/?hl=zh-tw

作者﹕貓町媽媽

其他文章﹕

【親子好去處】《貓.美術館》香港站 – 名畫貓化 打卡一流既免費展覽︳貓町媽媽

【親子郊遊】城門水塘 – 值得一去再去的郊遊好地方│貓町媽媽


熱門文章

香港維港凱悅尚萃酒店 | 全港首個「史諾比開心宅度假」 另設有毛孩住宿套餐
大埔獨木舟宿營睇海星親親大自然 1晚每位$560+BBQ 6 歲或以上
室內遊樂場 2021|全港20大好玩室內放電遊樂場
親子餐廳 2021|全港31間親子餐廳大檢閱
兒童遊樂場 推介 攀爬設施+可愛造型|親子好去處 (不斷更新)

室內遊樂場 2021|全港20大好玩室內放電遊樂場
香港維港凱悅尚萃酒店 | 全港首個「史諾比開心宅度假」 另設有毛孩住宿套餐
屯門悅品酒店Staycation每位HK$267起 菠蘿園+環保農莊
親子活動|動物的煩惱日常 遊戲互動展覽 了解自然界法則
假日好去處│屯門區室內4,000 呎攀石場 同設10米高戶外攀石牆
室內遊樂場|旺角Sports Expo體育主題互動資料館2000多呎免費入場3大虛擬體感遊戲區
查看更多   ▸