一到夏天 陰晴不定 所以較傾向同小朋友計劃室內活動
今次一於同大家推介一個嘆住冷氣 又可以玩足全日嘅親子好去處[ 科學館Pixar動畫展覽 ]
卡通片大家就睇得多
唔知各位小朋友又知唔知動畫嘅製作過程呢？！
米高媽媽身爲Pixar迷
包包同細佬b當然係睇住Toystory海底奇兵大啦
//「彼思動畫的科學秘密」係由香港科學館與美國彼思動畫製作室共同策劃5年嘅大型展覽
展覽共設8大展區 可以一步一步探索電影製作過程 從嶄新角度認識彼思動畫嘅製作流程以及電影如何巧妙地融合科學、技術、
工程、美術和數學（STEAM）概念 創造出在銀幕上欣賞到的生動角色以及逼真場面
大人同小朋友可以入場親身體驗如何利用科技創作動畫角色，學習攝影、燈光運用，並了解彼思員工的工作點滴//
米高媽媽於預售首日已經約定包包同學仔嘅家長一齊online booking (每次4位)
(成功預約者會收到確認電郵及QR code 需於參觀當日於指定預約時段到科學館
並向職員出示QR code 然後於票務處即場購買門票或博物館通行證
*博物館通行證持有人亦需透過網上系統預約，並向職員出示二維碼方可進場。
*每節時段的預約名額約為300人，沒有預約的「walk in」觀眾恕不招待)
今次我哋買咗博物館通行證入場(家庭版) 只需$100 相當抵玩
好! 就等包包同細佬b帶大家率先朝聖「彼思動畫的科學秘密」
連入口都咁有心思 果然PIXAR出品 必屬佳品
一入場見到大大個巴斯光年 就知去咗建構模型區：
呢度嘗試用簡單易明嘅體驗 根據美術師的草圖黎等參觀者了解如何創建出一個數碼雕塑模型
如果唔明嘅可以拎起聽筒有專人錄音解說
沖天救兵(卡叔)嘅Prototype 小朋友就了解到概念就好似玩泥膠砌公仔嘅原理
PIXAR迷一定認識嘅經典角色
用上3D小遊戲 增加小朋友對卡通角色立體化嘅Concept
見到毛毛同大眼仔 即係代表你已經去咗建立骨架結構區
展品會探討虛擬骨骼嘅基本概念 並展示動畫師如何替角色擺出不同姿勢
Build a Robot: 利用唔同立體形狀同磁石等小朋友可以砌出自創機械人 每位小朋友都非常專注
玩完呢部機 小朋友就會清楚知道卡通片入面嘅角色手腳movement原理
嚟到布景與攝影區：用上太空奇兵場景 認識如何控制攝影機 
櫻花樹下就模擬出《蟲蟲特工隊》裏昆蟲眼中嘅世界
各種形體同佈景布可以豐富小朋友嘅想像力 原來三角形可以變成芝士又可以係西瓜
開始深入淺出地等小朋友創作出一小段Animation
跟住就到咗好重要嘅燈光區 唔同顏色燈光下嘅多莉完美展示出神秘嘅海底世界
另外展覽亦設有多個IGable打卡熱點
包括《反斗奇兵》巴斯光年、《怪獸大學》毛毛和大眼仔、《超人特工隊》柏氏一家及 E 夫人等
而且仲有好多Pixar畫 記得唔好錯過
(Inside Out) 行完個展覽 好想返屋企睇Joy同Anger
呢個就係好受小朋友歡迎嘅手動播片區以及認識PIXAR片頭如何利用Stop Motion拍攝手法
反斗車迷見到一定好hyper
嚟到展覽嘅尾站就係禮品店
各位大人同小朋友可以盡情釋放購買慾啦
唔經唔覺就玩咗兩個鐘 各個展區都用心製作 值得細味
睇完您就會知道一套卡通片係幾大製作 集結千千萬萬人嘅心血
特別鳴謝: 香港科學館以及美國彼思動畫製作室
送咗呢個大型展覽【彼思動畫的科學秘密】俾香港市民
【彼思動畫的科學秘密】
展期：2021年7月30至12月1日
開放時間：平日(上午 10 時至晚上 7 時)
周末及公眾假期(上午 10 時至晚上 9 時)
星期四(公眾假期除外)休館
入場費：
標準票30元 ；團體票21元 ；優惠票15元 ；全日制學生5元
星期三：標準票10元；團體票7元；優惠票5元
博物館通行證持有人免費入場
預先上網預約
計劃到訪Pixar展既朋友
可於每日2:00pm網上預約
(系統可供預約當天起未來七天之入場時段)
另設工作坊及網上活動
於特定日子，會場設有工作坊供公眾參與：
「虛擬雕塑初體驗」—— 讓參加者運用 zSpace 電腦系統學習虛擬雕塑的基本技巧，創作出獨一無二的 3D 角色，並可體驗 AR 和 VR 互相結合的學習模式，此外更可以利用其創作的虛擬角色，製作成一段定格動畫短片。
「創客工作坊：手作動畫箱」—— 參加者可認識一些動畫製作的基礎原理，例如視覺暫留等，更可在專業導師的帶領下升級改造回收的「紙皮」，製作出一部手作動畫箱。這工作坊設有親子和成人班。
以上工作坊將在開始前 45 分鐘於活動場地接受報名。名額有限，先到先得。如未能親身出席，亦可選擇其他網上節目，包括「從畫板到銀幕」網上講座系列及海底奇「魚」記。
工作坊及網上節目詳情：
https://hk.science.museum/ms/pixar2021/activities-TC.html
溫馨提示
• 建議預約黃昏時段 相對少人
• 遊樂攻略：可先玩科學館外其他展館
再於指定預約時間 於入口按職員指示排隊入Pixar展
•(地球資源館及兒童天地已重新開放)
*如小朋友想玩兒童天地既小小工程師
可先到派籌處拎籌 超受小朋友歡迎
待續。。。
Follow 包包陪細佬b看世界 facebook專頁 會有更多Update親子好去處分享
作者：米高媽媽