31.7.2021
帶咗啲同同一個靖翹嘅同學仔去咗位於元朗大棠有機生態園嘅「盛夏森林」水上樂園。
我哋喺朗屏站搭K66，去到大棠山道落車（一落車有個公廁），依照路牌行咗15分鐘小路就到
我買飛要預訂（初頭係有星期五、六、日揀，而家得六、日）
係早鳥優惠～$158一大一小（$8係手續費），星期五夜場嘅價，喺Klook買飛。
原本預約咗16/7去，但係因天氣關係…喺當日3點幾時（本應6點開始），就收到email話取消🙈
之後佢哋就升級咗我哋做全日票，喺任何星期六、日都可以玩。所以我哋先改咗31/7去。
地圖如下…
場內任何時候都要戴口罩，佢地有$60一個防水口罩賣。我就自己帶咗冰感口罩，浸咗都無咁唔舒服。
入到去係要出示QR code嘅飛， 戴上手帶 然後有security check你包包～唔可以帶嘢食嘢飲入場。
之後就有儲物櫃、更衣室俾你換衫。儲物櫃係要收費，視乎大小而定。每開一次，收費一次～所以要跟身嘅嘢就記住袋好啦！
場內有小食舖同紀念品賣，全部電子收費。記住帶電話防水袋，八達通、手提、信用卡放晒入去就啱啱好。無嘅話…場內都有防水電話套賣。
場內有多個吹氣設施俾大家玩
如果小朋友只有120cm高
只有兩條滑梯可以玩，仲有個paddling boat嘅池（無影🙈），同一個好多唔同水泡嘅池俾小朋友玩。另外，你可以自己帶手槍嚟玩，場內四圍都有多個水桶俾你refill～
3點入場時，唔太多人，好多野都唔使排隊。舒韻直頭喺到浸咗陣（但多人嗰時就唔可以啦）
場內有sitting area俾我哋休息下
間唔中有主持人同小朋友玩遊戲，夜啲仲有live music，幾好feel㗎
5點半清場消毒，我哋好醒，5點15分就走咗出嚟攞咗枱先，買下嘢飲、嘢飲。
因為清場，排隊買嘢食嘅龍好長～好彩我哋早咗出嚟買～場內嘢食係偏貴，魚蛋燒賣$28/10粒、撈麵$28、fish and chips $50，但仍可接受～
跟住佢哋話想玩滾筒～
咁就要買遊戲券啦！$50/10張
一個滾筒要4張飛（$20）/10分鐘，可以兩個人玩一個
佢哋玩咗一次雙人、一次單人
每人一個，係好玩啲嘅！
我當日一樣都無玩玩🙈全程係陪玩
我係攝影組嘅～
整體嚟講，我覺得抵玩嘅～
係遠咗少少，但都值得去嘅！
我啲女玩得好開心囉～
要睇片嘅～請按此
其他文章：
