相信大家呢個暑假都好努力咁搵地方俾小朋友放電，室內playhouse（ 室內遊樂場 ）我之前都有寫過，今次去呢個又有咩唔同呢？就係……特別大！特別消耗體力！特別抵玩！（帶定頭盔先，優惠受條款約束）
好啦！嚟睇下有咩玩先。一眼望過去，最吸睛又最吸引的就係呢個大圓圈位置，點解吸引？因為呢度主要係俾家長們坐定定me time的好地方，係咪好正呢！（如下圖所示）
咁左右兩邊都各有大型攀爬架，但兩邊結構就有少少唔一樣。
先睇下左邊先，好有糖果feel的一個地方，因為疫情關係所以設施就減少咗，所以相對上顯得比較「空虛」。
今次特別派出因為無人湊而可以出場的特約小記者李金仔同李爸爸出場，對於歲幾小朋友嚟講基本上所有設施都要大人寸步不離咁一齊玩，所以李爸爸都變玩謝李爸爸，如果帶細B的家長要有心理準備呀！
為咗體驗下呢個迷宮，媽媽我就入咗去十分鐘，（因為特約記者啲相實在唔得，哈哈）結果……迷宮基本上每部分都有唔同的障礙行，到一半又唔知點走返出嚟（係無捷徑嘅！），一陣已經出汗，果然係放電無極限！
其他文章：室內遊樂場 2021｜全港20大好玩室內放電遊樂場
