親子好去處│包羅萬有手作市集~細菌小子飛船電動車+駐站魔術師 ︳龍鳳孖媽


最近都忙於執屋搬屋, 所以都好少帶孖寶去玩。

上星期六(28/8)上午天氣麻麻,

繼續留喺屋企執屋。

但下午見冇落雨,

決定帶龍鳳寶寶去一個 免費入場嘅市集玩。

而且距離港鐵站只須5分鐘嘅路程,

非常之方便,

所以一帶二都冇問題。

 

個市集真係超好玩,小朋友玩到唔捨得走,好值得再去~~

***多款電動車***

電動車主要分兩款:

  • 腳踏電動車,亦可以較向前或向後,配有唔多顏色供選擇,連粉紅色都有架。

  • 貌似<<麵包超人>>細菌小子架飛船,用手控制支棒就可以改變方向前行。這款比較特別,平時較少見,而且造型好可愛呀~~

收費:

40元10分鐘

(10分鐘內可自由換車,但請注意安全。)

(所以我哋兩款車都有玩啊~)

 

***魔術表演***

嘩~全香港真係冇乜幾多個場會有駐站魔術師免費表演魔術同扭氣球送俾小朋友。

魔術師從囝囝件比卡超T-shirt 上嘅精靈球上變出支糖,之後喺手中再變多一支。

最後仲表演將枝糖升起,

之後魔術師仲扭咗有手有腳有尾巴嘅比卡超氣球俾囝囝襯番件衫。

囡囡就有個白雪公主氣球,連白雪公主都扭到,好厲害呀!

臨走時仲送多支玫瑰花氣球俾囡囡。

駐集魔術師仲會提供場外魔術表演服務,

所以未必每日都喺市集。

但我哋當日好好彩呀~

可以一暏魔術師嘅風采。

 

***包羅萬有手作***

有好多好多款手作工作坊,包括石卵手繪、手繪風鈴、韓國流沙匙扣、雪花沙畫、自繪索袋、天然彩米畫和動物燈籠等等。

檔主會不時更新款式,其實真係好多款,應有盡有!

價錢由二十元至一百多元不等,視乎款式。

款式亦要視乎當日供應。

囝囝做咗個青蛙燈籠。

囡囡整咗個心形匙扣。

導師都好有愛心和耐性。

 

***攤位遊戲***

大約有十款嘅攤位遊戲玩,部分攤位更係檔主自己整架,充滿人情味。

有個較特別嘅迷你版冰壺和射鴨仔,但較適合年紀較大嘅小朋友。

年紀較小嘅可以玩吓掟波波和接雞蛋。

玩完計分仲可換禮物。我哋換咗兩筆、一隻指環同埋兩份模型。

收費:

20元1張

90元5張

150元10張

 

***月亮鞦韆***

彎月可以當櫈仔坐打卡。

滿月嘅可以轉同搖,當鞦韆玩。

夜晚仲會發光。

星空裡萬物在轉歷憶萬年~~

隔離仲有個鐵塔同許願池。

(許願池只會喺星期六日開放俾大家放許願燈)

***小食店***

旁邊仲有小食店售賣漢堡包、熱狗、薯條、燒賣同埋魚蛋等,仲有水果茶、汽水同啤酒。

 

旁邊提供有太陽傘嘅座位坐底可以慢慢享用。

話明市集,當然仲有商店售賣皮革、布袋、植物和同巴士有關嘅物品等等。

後記:

~檔主們都好熱情好客,感到滿滿嘅人情味,小朋友玩得好開心。

~我哋滿載而歸,帶咗好多禮物返屋企。

~我哋由下午四點玩到七點,小朋友仲未捨得走。

~當日因天雨關係,所以較少人。每日情況不同。

~市集上蓋有用網遮蔭,而且有強力風扇,所以冇咁曬同熱。但仍建議自備防曬用品和風扇仔。

~可能會有蚊,請做足防蚊措施。另市集亦有提供免費自助蚊怕水,好貼心。

~市集內沒有洗手間,要到外面公廁或建議先喺港鐵站內先去廁所。

~小食店外牆有一個具有廣東文化色彩嘅字,有時港人會用作粗口字。所以我喺相中用公仔遮咗,孖寶年紀仲小未有發現。請自行判斷如何解答小朋友。

錦莆手工藝市集:

前往方法:

錦上路C出口向右直行至紅綠燈位,過對面馬路向左直行至見到河流。河流旁邊有條路進入,穿過停車場就到入口。

**********************************************************************************

套票優惠:

Set A:

攤位遊戲 8張

薯條 1份

水果茶 1杯

碰碰車 1局

手工藝工作坊 1次

Set B:

攤位遊戲 10張

薯條 1份

水果茶 1杯

碰碰車 或 手工藝工作坊 1次(二選一)

原價每Set 200元~

現凡like 以下2個專頁~~

1) Little twin stars 龍鳳寶寶 專頁:

https://www.facebook.com/Miss.swanswan

2) 錦莆手工藝市集 Kam Po Handmade Market

https://www.facebook.com/KamPoHandmadeMarket

於購票時出示已like兩個專頁,

即可以**190元** 最抵價 購買以上套票!!

(優惠至到2021年9月30日)

 

**************另有Giveaway**************

送出9月份遊戲套票 Set A 1名(包括攤位遊戲 8張、薯條 1份、水果茶 1杯、碰碰車 1局及

手工藝工作坊 1次)、

C+手作工作坊 2名 、

攤位遊戲券各3張 2名~

 

請到Facebook page 參加:

https://www.facebook.com/Miss.swanswan

作者:龍鳳孖媽

其他文章:

親子好去處│張家朗壁畫+「大叔的愛」取景地│龍鳳孖媽

親子好去處︳日本感農場摘香印提子+白色苦瓜︳龍鳳孖媽

 

 

 

 


熱門文章

免費好去處|少年警訊創新科技大賽2024-25嘉年華 首次對外開放 玩轉科學鑑證遊戲/AI詠春體驗
全港遊樂場|48兒童遊樂場推介 攀爬設施+可愛造型|親子好去處 (不斷更新)
召集全城大小巴士迷|送挪亞方舟「玩轉馬灣巴年華」親子套票
珠海親子遊 2025|16大好去處 主題樂園/1:1太空艙/溫泉度假村/免費景點 附9間親子酒店及民宿推介
復活節好去處2025 ︱全港 復活節 假期13大親子必去商城活動(不斷更新)

召集全城大小巴士迷|送挪亞方舟「玩轉馬灣巴年華」親子套票
玩轉「王子親」創意繪畫工作坊|召集K1-K3親子 盡情發揮無限創意
創意設計比賽.親子至公開組|《親子王》玩轉「王子親」
投票贏4萬元大獎|Oh!爸媽最愛品牌大獎2024
傷健共融|香港傷健協會《共融節》暨挑戰賽
全新場地 嶄新體驗|送 2025年國泰/滙豐香港國際七人欖球賽 家庭套票
查看更多   ▸