露營 好去處｜在森林和原野是多麼的逍遙！偶然一兩天讓生活回歸到最原始的狀態，放下平日繁雜的瑣事 ，與孩子同樂及好好的和大自然相處，這就是大眼睛小眼睛媽媽最嚮往的假期。
春天時體驗過YHA白普理堂赤徑青年旅舍嘅Bell tent圓帳營 ，寫分享文當日已決定暑假要去埋另一個營地 露營 – 白沙澳青年旅舍。
喜歡YHA的營地 露營 主要原因係因為營地附近的景色都係非常優美，check-out後可以喺附近遊山玩水，玩盡兩日一夜。白沙澳營地特色之處好像被茂密嘅森林環繞著，由旅舍沿海下路漫步約20分鐘，便是海下灣海岸公園，以紅樹林及高海洋生態價值著名。大眼睛小眼睛興奮大叫好多貝殻，寄居蟹 ，不同類型嘅魚大眼睛小眼睛媽媽幾年前去過海下灣浮潛的確見到幾多珊瑚，反而當日大部份前往嘅遊客都係玩獨木舟為主。
雖然營內遊玩設施唔多，只有籃球場及一片大草地，但足夠小朋友四處奔跑嬉戲，不停出入朋友仔嘅帳篷 都係一種樂趣。營地有多個燒烤爐，不過夏天就冇乜興趣燒嘢食啦。
出發前都有少少擔心夏天露營會唔會熱到瞓唔着，營舍會提供兩把充電風扇（連續使用可用十個鐘）而我哋亦有自備手提風扇，其實真係無想像中咁熱，大眼睛小眼睛都可以一覺訓到天光 。
郊外地方非常多蚊 ，要準備防蚊用品及自備蚊香，做好防蚊措施。建議準備「平安藥」 看門口，以便不時之需。
交通：西貢碼頭乘搭7 號專線小巴前往
網頁：YHA白沙澳青年旅舍
圖文獲 大眼睛與小眼睛 授權
其他文章：
