港島又一個親子好去處，平日大家想踩船仔都會到大尾督、西貢康樂戶外水上中心或者迪欣湖。於港島區17年黃泥涌划艇公園結業後，不少人感到可惜，今年公園重開， 大家一邊欣賞水塘景色，一邊泛舟。一艘4人家庭船45分鐘$160，每位都是$40。快啲約埋家人小朋友一齊去啦!
近日，Blogger「速龍哥與薯仔」帶同一家人到重開的黃泥涌水塘公園，體驗爸爸兒時回憶踩船仔。
記得聽説黃泥涌水塘公園，終於開返腳踏船仔，當然要行下，原來呢到係爸爸兒時回憶，以前都會經常去行下，相信住港島既大朋友仔應該都會去過？
而今日係星期日我地係揸車去，相對都好方便，而且對於住天后嘅我地，都相當近，而且沿途見到好多大朋友小朋友係附近行山。除咗踩船，大家都可以欣賞下水塘景色，或者坐低小食亭，休息食下魚蛋、燒賣。
因船隻唔太多的，可能去到要排隊。暫時得四架4人船，6架2人船。大約一至兩星期後啲艇先到齊….現階段假日至少要排一至兩個鐘….所以大家save資料。過一兩星期再去，記得啦!
黃泥涌水塘公園
時間:逢星期六，日及公眾假期10:00-17:00 （有救生員當值，有救生衣著）
價錢:4人船:45分鐘$160;120分鐘 $200
2人船 45分鐘$120 ;2小時 $180
20元一包魚糧可餵魚
地址:香港黃泥涌大潭水塘道(顯示地圖)
配套設施:花園內設有洗手間、小食亭
交通:泊車方面前面有幾個咪表位。
巴士:
城巴6 中環（交易廣場）-赤柱市場
城巴41A北角碼頭-華富（中）
新巴63北角碼頭-赤柱市場(週一至六日間服務)
新巴66中環（交易廣場）-赤柱廣場（馬坑）(週一至五繁忙時間服務，經黃泥涌峽及司徒拔道)
城巴76銅鑼灣（邊寧頓街）-石排灣
城巴A17機場-深灣(每天上午繁忙時間過後回程，經跑馬地)
圖文獲授權速龍哥與薯仔轉載
其他文章：