四季staycation住宿 新裝修 游泳池毋須預約│有個過度活躍媽


香港四季酒店今年年中完成首階段翻新計劃,有Blogger率先感受並新裝潢,入住普通山景房Package的親子住宿,星期六日$36xx/晚,包早餐及免費加牀。新裝修的客房十分舒適,Playroom設有多款不同年齡合玩的玩具,更有男孩子最愛的賽車,而游泳池就毋須要預約,可以無限次使用。Blogger認為四季整體感覺都非常好,真係值得一住!

四季staycation住宿

之前一直無去四季staycation,係因為覺得佢啲房好舊,見而家啲房裝修咗,又有playroom等兒童玩樂設施就去試吓。四季的服務態度果然如朋友所講的一樣,服務態度非常好。我哋只係住普通山景房Package四季親子住宿,星期六日$36xx/晚,包早餐/免費加牀。一入房,我都覺得好靚好舒服(實物比相片美)。

職員預備左好多小朋友的玩意和食物。我細仔一入房,就沖入廁所,自行除衫話要浸浴。

親子玩樂設施

兒童玩樂設施方面,都係普通玩具堆砌的playroom。Jacob淨係掛住睇長開住嘅toy story。Playroom可以提早預約,外面有得玩賽車game,是Jacob最愛!

游泳池就無需要預約,Walk in就ok!不過都可以預先打落去問下有冇位。四季游泳池係打卡位,不過對我兩個仔,游泳池就真係游水的地方。游泳池有浮板和救生衣供應。

職員會派「I see I see」細雪條,我哋拎咗4條,不過細佬獨食咗3條。

自助早餐

早餐方面Argo自助早餐,我很喜歡一粒一籠點心,唔會痴住。辣味蝦餃好好味,好特別!即製的Egg benedict和hollandaise sauce都好好味,我推介這2款食物。

四季整體感覺都非常好,真係值得一住!

訂房資料

圖文獲授權有個過度活躍媽轉載

其他文章:

屯門悅品酒店Staycation每位HK$267起 菠蘿園+環保農莊

暑假親子staycation | 全港首個巴士主題酒店客房 設兒童巴士牀+玩迷你電動車


熱門文章

年花 | 7大本地花農種植場直接入貨 附挑選各年花貼士、保存方法
香港自駕遊 2022|45個自駕遊好去處 睇日落+放風箏+野餐(持續更新)
香港郊遊 | 上窰郊遊徑+曝罟灣堤圍︱超強打卡+輕鬆行山首選
虎年新春遊| 白爛貓東薈城名店倉新春團拜 必影6大打卡位
兒童遊樂場 推介 攀爬設施+可愛造型|親子好去處 (不斷更新)

康怡、淘大掃貨迎虎年 做足4大準備過新年
室內遊戲室 | 新開幕森林主題免費遊戲室@牛頭角彩榮路體育館|金牛急躁媽
奇華新春工作坊 | 親子製作BROWN及CONY造型賀年糕點+送限定賀年紀念品
室內體育館 | 彩榮路體育館明起啟用 設兒童遊戲室、室內緩跑徑
漁護署獅子會自然教育中心 | 農館全新裝修 包模擬有機耕作農田、昆蟲展品
侏羅紀恐龍樂園 |恐龍登陸九龍灣 大型互動展區+多款遊戲 玩轉侏羅紀|貓町媽媽
查看更多   ▸