全新觀塘免費戶外遊樂場 康寧道公園 超吸睛罕有巨蛋型攀爬架


又有新公園啦!最近去咗觀塘康寧道公園一期嘅新公園,等我哋同大家分享下有咩玩啦! 

如果要嚟到呢個公園,首先要先搭升降機/行樓梯去到頂層平台位置,然後會見到一條長長的天橋,天橋盡頭就會見到呢個最新嘅公園呀啦~

公園面積唔算好大,但罕有巨蛋型攀爬架就非常吸眼球!佢係由一個個球體為主軸,周邊環繞著攀爬網、溜滑梯同障礙道等設施,比較屬於手腳並用、上下跑跳類型嘅遊具設施,個人覺得比較適合年齡較大嘅小朋友嚟玩。

另外,佢亦設有唔同嘅滑梯,例如:螺旋型、長滑梯、一般滑梯等。當然最刺激一定係位於頂層嘅金屬螺旋型長滑梯啦!

除咗有巨蛋型攀爬架外,呢度都有個鞦韆架,鞦韆架亦有3款唔同嘅鞦韆比大家玩!而我最鍾意嘅就係「親子款,可以親子對望住一齊玩,我同弟弟玩得好開心!

另外,公園仲有一個氹氹轉、小型彈牀同小量健身設施等。同埋,出入口亦增設洗手裝置。呢度雖然唔係好大,但勝在各遊樂設施都有啲。 公園仲有一個人造草地還在建設中,相信將來會有個小草地,可以比小朋友跑跑跳跳。(友善提示:由於工程尚未完成,所以請小心看顧小朋友呀。)

總結:雖然呢度唔重好大,但勝在設施特別同比較新。不過個人位於觀塘半山區嘅康寧道,附近配套未算好完善,所以我哋第一次嚟搵呢個公園都用咗唔小時間。而且呢度只係屬於小區公園,個人建議如喺附近行緊街嘅話,都可以一嚟玩下嘅。

溫馨提示: 保護環境,自己垃圾,自己帶走。 請做好防曬或防蚊措施。 疫情緩和都唔可以鬆懈,記得勤手洗/搓手,勿摸眼、口、鼻。 ==========================================

康寧道公園一期 頂層平台公園

地址:茶寮坳康寧道151號 頂層平台 我哋係由官塘裕民坊小巴站(90B/22A ),於康濤閣有落,再過馬路搭lift 上去頂層平台公園。 

其他交通:

1.港鐵觀塘站 A1 出口沿協和街步行15-20分鐘便到達康寧道公園第二期入口。

2. 巴士路線 : 1C, 11X,13D, 13X,15P, 23,23M,26M,28B,95M路線於基督教聯合醫院下車 ==========================================

 

(以上資料更新至撰文當日)

聯絡電郵: alfredbb325@gmail.com

最近開始玩IG,歡迎追縱:allaboutalfred

最近開始玩MeWe,歡迎追縱: https://mewe.com/p/AllAboutAlfred/

追踪更多育兒生活分享,請按 Alfred 成長日記 

其他閱讀:

兒童遊樂場 推介 攀爬設施+可愛造型|親子好去處 (不斷更新)

 

兒童遊樂場|巨型滑梯/親子鞦韆/攀爬陣 葵芳戶外歷奇公園免費入場


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

全港最大戶外 電動車 場 「拖頭」/工程車/掘泥車/飄移賽車/警察電單車 3歲就可以玩|初初媽媽
中環海濱變220米藝術長廊 免費打卡︱復活節好去處
精選13大郊遊野餐好去處
昂坪360 復活節尋蛋派對 人氣插畫角色「好想兔」首次跳入香港
復活節本地遊2024 |24大好去處推介 復活節嘉年華/親子田徑比賽/復活蛋工作坊/室內遊樂場快閃優惠
藝術維港2024︱teamLab 發光蛋 首星期預約已滿額 呢個日子開始有即日預留名額! 附預約連結
查看更多   ▸