親子農莊 | 元朗Happy Garden Farm 開心花園農莊全新大型玩樂設施 攀爬架+滑梯+彈牀採摘士多啤梨超好玩戶外好去處


得知「Happy Garden Farm 開心花園農莊」添置/ 換咗唔小嘅玩樂設施,玩樂空間仲比之前大咗,而且每一層更仔細域分咗唔同嘅玩樂區域,所以我哋今次就帶埋弟弟一齊去玩個夠本。

其中最吸睛嘅就一定係喺入口當眼處附近新添置嘅大型攀爬架玩樂設施,一整座攀爬架有差不多達十款唔同類型嘅滑梯,而且上下兩層高,適合唔同年齡小朋友玩,更設有攀爬繩網陣,啱曬鍾意挑戰嘅小朋友。

除咗新增設咗嘅大型攀爬架外,佢哋更有三款大型吹氣跳彈牀,三款都刺激好玩,兩兄弟玩到超放電,而弟弟玩咗一陣,平衡感都好咗添。 註:必須穿上襪子方可使用。另外,充氣彈牀需額外收費,全日任玩$80 (幼童可由家長陪同使用)

玩樂區

另外,每一層都有唔同玩樂設施,層層都有特色,Alfred表示樣樣都好玩。

另外,佢哋亦有另一組比較適合細啲嘅小朋友玩嘅攀爬架,弟弟爬上落下,玩得好開心又超放電,不過呢個攀爬架相對其他設施就比較舊啲。

影相打卡位

除咗唔同嘅玩樂設施外,呢度都有唔小嘅打卡影相位呀!

夾公仔機區

呢度仲有十幾部投幣式夾公仔機同籃球機。

動物區

而家嘅動物區比起之前大咗好多,有山羊、豬同龜等。另外,可以另付費買飼料餵下小動物。

BBQ區

呢度仲有一個BBQ埸,就算唔BBQ都可以比入埸費嚟玩以上設施。而BBQ食物款式都幾多同埋目測都幾乾淨企理。

總結

我哋由Alfred一歲幾嚟玩到而家六歲幾,好感度Keep 住高,因為我留意到,呢度嘅玩樂設施會間中更新/替換,如果以一個有燒烤場嘅農莊嚟講,玩樂設施真係非常之多,真係一個地方可以滿足唔同小朋友玩樂嘅願望(遊樂場/彈牀/餵動物/影相打卡/採摘士多啤梨<冬季限定>及其他本地新鮮農作物即摘即買)。

 

 ==========================================

Happy Garden Farm開心花園農莊

地址: 香港 元朗 大棠山道 (往大欖郊野公園方向)

電話: 6018 8755(黃小姐)

網址: https://www.facebook.com/happygardenfarm/

入場費:HK$50 (大小同價,不足一歲可免入場費)

跳彈牀:HK$80 全日任玩 (只適用於星期六日及公眾假期) 

  ==========================================

(以上資料更新至撰文當日)

聯絡電郵: [email protected]

最近開始玩IG,歡迎追縱:allaboutalfred

最近開始玩MeWe,歡迎追縱: https://mewe.com/p/AllAboutAlfred/

追踪更多育兒生活分享,請按 Alfred 成長日記 

 


熱門文章

免費好去處|少年警訊創新科技大賽2024-25嘉年華 首次對外開放 玩轉科學鑑證遊戲/AI詠春體驗
召集全城大小巴士迷|送挪亞方舟「玩轉馬灣巴年華」親子套票
珠海親子遊 2025|16大好去處 主題樂園/1:1太空艙/溫泉度假村/免費景點 附9間親子酒店及民宿推介
職業體驗 ︱1小時 消防小隊長 體驗 穿制服模擬拯救情境 培養自理/解難/體能 $250/位
全港遊樂場|48兒童遊樂場推介 攀爬設施+可愛造型|親子好去處 (不斷更新)

韓國親子遊|濟州親子好去處 11 個主題樂園 + 博物館 + 生態公園合集
免費遊樂場 | 盤點香港8大翻新/新增免費 遊樂場 !地址+設施+交通全攻略
消防及救護學院開放日 救護車輛巡遊+滅火/救援示範 即睇入場券申請方法
全港首個 萌寵潑水節 :15米充氣長廊盡情嬉水!DIY寵物身份證/犬隻訓練班/毛孩領養日/寵物市集
免費好去處|少年警訊創新科技大賽2024-25嘉年華 首次對外開放 玩轉科學鑑證遊戲/AI詠春體驗
復活節好去處2025 ︱全港 復活節 假期13大親子必去商城活動(不斷更新)
查看更多   ▸