觀塘小爬行星｜爬蟲動物一向給人的感覺冷血，不如小貓小狗般親人。然而大家當親身接觸後，可以感受到牠們溫柔的一面。位於觀塘小爬行星飼養了多種爬蟲動物例如守宮、變色龍、青蛙等，讓大人小朋友零距離接觸，雙手抱抱，認識品種特性喜好，場內更設有爬蟲動物主題藝術工作坊，讓小朋友發揮創意。
有機會跟二火學校出席爬蟲體驗活動，二火好期待呢個活動，的確係一個教育意義的體驗，近距離接觸不同品種爬蟲動物，眼睛觀察，雙手抱抱。遇到龜、蛇、蜥蜴、蛙、變色龍、壁虎(守宮)，認識外表、生活習性、食物，以及外表摸摸觸感同其他動物不同。食物同其他動物不同，例如活昆蟲。教育小朋友認識品種特性和喜好，學習尊重不同動物和生命，仲可以親自餵飼爬蟲動物。
二火從今次體驗知道，蜥蝪都會便便的，食蔬菜和葉葉，偏愛的食物就是活蟋蟀，揀飲擇食，當他們不餓就封閉嘴巴不肯吃，同一個揀飲擇食嘅小朋友好相似。
以前兒童英文書教字母I for Ice cream，而家有啲係I for Iguana。坦白說我今日第一次見到Iguana 係點嘅樣，原來好有個性，好鐘意喺露台晒太陽，仲會放牧咁在店內巡視業務，果然係「店長」。
每位小朋友都參與工作坊，親自為自己的變色龍配上獨特的色彩，回家後急不及待要展示俾火腩爸爸睇。
今次真實體驗，更勝書本知識，鬆獅蜥、鬣蜥、守宮，我而家知係點樣喇！其實爬蟲體驗日，獲益良多的是我。以前覺得變色龍個樣唔討好，今日竟然可以將佢放喺自己個頭度，明明以前細個就算見到細細條檐蛇壁虎，我都會尖叫非常害怕。今日竟然會將兩隻守宮（壁虎）放上手爬來爬去，我都長大左唔驚喇！呢排屋企有小曱甴出現，想邀請條壁虎過來一住，晚晚有大餐食！
觀塘小爬行星
地址：觀塘巧明街114號迅達工業大廈4樓B室
電話：6482 8822
參加者年齡：2歲半或以上
收費：$400一大一小(包workshop及爬蟲類體驗)
二人同行可以享有九五折優惠
時間：約2小時/場
備注：Ｗorkshop只開到10月中左右，之後會用另一個形式出現
圖文獲護士Vi媽三小火授權轉載
其他文章：
西貢海下遊客中心認識海洋生態 日系簡約風大草地+小庭院 │肉丸朗之快樂日常
