而家好多教育中心都有舉辦職場體驗，Elly同Roy今次試做茶記新丁，值得同大家分享一下。
茶記新丁體驗系喺一間真茶餐廳「返工」，首先小朋友會被安排喺房度預備，家長就負責做真客人喺出面等食。細佬Roy只有2歲半，所以導師鼓勵了佢好多，佢先冇搵媽咪。
我哋坐低一陣之後，就見到「經理」帶住地拖及新丁們出嚟，「經理」叫新丁們清潔地板，Roy好落力，反而Elly好怕掂地拖⋯
之後，新丁們會遞上餐具及幫客人落單。
我係想點兩份漢堡煲+沙律餐⋯ 不過細佬點了佢自己想食嘅薯條⋯⋯
新丁好忙呀！佢哋要負責夾客人所選嘅食物同冲茶。飲品因為安全問題只有凍飲供應，客人一定好安心。我哋太肚餓，所以另外叫了兩份熱狗餐
新丁任務完成會領工資。導師會簡略講解一下要珍惜食物，教導小朋友收到工資可以捐給有需要嘅人，最後為了奬勵小朋友，每人會收到代表必需嘅糧食（餅）以及糖果。很有意義啊！
非常感謝導師嘅教導，我哋很喜歡呢個簡單但有教育嘅體驗！希望大家喜歡我嘅分享！
更多文章：