| 日期 | 全年適用 |
記得十年前同鯨爸行山經過鎖羅盆，沿路鬼影都冇隻，驚確實係有點陰森的。今個月我哋重回舊地，仲帶埋鯨魚蝦子來一趟長征，結果…
我哋由鹿頸出發，至谷埔一段，天色陰暗，加上季節更替，景色唔亮麗，同時又甚為多人，想除口罩呼吸新鮮空氣都難。
後來，轉入榕樹凹及鎖羅盆一帶，天色轉晴，感覺一啲都唔陰森，電話都收到（冇結界的），沿路見到幾個行山小隊添，再看看周圍景色，山明水秀，到此行山？十分唔錯啦～～
後段至荔枝窩，好吸引，此地有小市集、茶記、士多、博物館、同新式觀景臺等，加上有船直達（通常啲人從烏蛟騰出發至此），人氣很旺。
最後快步到烏蛟騰，趕得及係日落前睇到紅楓葉，足足行了6小時完成整段山徑，一個字攰！
圖文經 《鯨魚‧蝦子媽咪親子log》授權轉載
其他閱讀：
