| 日期 | 全年適用 |
好掛住有陽光嘅日子，呢兩個月出外嘅次數寥寥可數，困太久，身心都唔健康，偶然找個地方唞下氣，我選擇去海邊走走。這裏有漫長海堤、有鐵路奔馳、隱世沙灘連沙洲、輕鬆2個鐘行完，放電、放風、放空都唔錯喎！
欣澳平時都係去迪士尼先路過，好少會停落嚟發掘佢嘅特別之處，但因為遠離市區，周邊配套不多，反而造就一種脫俗的寜靜美。
喺欣澳站落車，步行5分鐘就見到海濱長堤，一望無際嘅海景，偶然看見漁民捕漁和穿梭在海上的蠔田上，悠然自得。另一邊有鐵路穿梭，頗有日本feel ! 喺度吹海風看日落很不錯，唯一缺點係車比較多，帶小朋友要拖實。