親子行山 | 隱世沙灘+山上神樂院 | 龍鳳孖媽


全年適用

大約兩星期前,
我哋去咗行山

行山路段初時經過一個好長嘅沙灘。

由於唔係康文署管轄,
所以可以入內玩沙。
(但請注意安全)

之後會經過村莊,
四周都種滿唔同嘅農作物,
可以俾小朋友認識下農夫平時耕作嘅情況。
(但經過時請保持安靜,唔好影響別人啊~)
跟住行一段大斜路,
沿路會見到樹上掛着14個十字架,
稱之為苦路,象徵耶穌受難時嘅十四個站。

最後到達小花園,
內有聖母亭,風格中西合璧,份外特別。
門口外嘅拉丁文寓意為「進入者得平安,離開者享安樂」。
再喺建於1960年嘅「永援聖母橋」上行走,
到達彷如隔世嘅熙篤會聖母神樂院 。
因疫情關係,院內不對外開放。
山上嘅神樂院更顯清幽,環境優美。

本來條路可以行去 梅窩 ,
但由於考慮到回家嘅路徑似乎由原路回家較方便,
所以我哋決定原路折返,
結束 #行山 之旅。
依個係一個唔錯嘅 #復活節活動 ,
可以向小朋友介紹復活節嘅由來。

路線:
由愉景灣廣場巴士總站出發 ,
面對愉景灣消防局沿著愉景灣道向左行,
過對面馬路,行入遊艇徑。
之後會見到 稔樹灣 ,
沿著沙灘往前行,
之後行入農莊,
上斜路就到達。
上山用咗一小時左右(連拍照),
下山用咗40分鐘左右。
注意前往愉景灣分別主要有兩類巴士,
一類前往 愉景灣廣場 ,即前往 #大白灣 嘅巴士,
另一類前往 愉景北商場 ,即前往 愉景灣酒店 嘅巴士。

今次我哋由欣澳搭 db03R去總站 愉景灣廣場。

此行山路段適合年紀較大或體能較好嘅小朋友,
因沿路有頗斜嘅斜路和樓梯,
而且唔見有涼亭或洗手間。
只有前段嘅沿海路段有長櫈可供休息。
所以建議年紀較小嘅小朋友只喺海邊行行和玩玩沙
或到達農莊後折返。

差不多十年前,我同隊友反方向由梅窩行去愉景灣,
大約行2小時,下次可以考慮下帶小朋友行。

~Facebook page:
https://www.facebook.com/Miss.swanswan

~Instagram: (更多孖寶和孖媽的生活趣事)
https://www.instagram.com/little_twin_stars82

唔好錯過以下文章啊 !!

其他創作文章(包括80+個好去處):
https://www.facebook.com/Miss.swanswan/posts/341412797292614

 

作者:龍鳳孖媽

 

其他閱讀:

親子行山 | 一小時行山徑 看歷史建築水壩 | 龍鳳孖媽

親子宿營|星空下的彩虹小屋+5大玩樂設施|龍鳳孖媽


熱門文章

親子好去處|卑路乍灣海濱長廊:夏日森林之舞 睇海景+打卡+遊樂設施
親子餐廳 2022|全港32間親子餐廳合集 攀爬架/室內沙灘/靚靚打卡位
恐龍 迷注意|夏日快閃:機動恐龍展 參加活動換紀念品
室內遊樂場|全港21大好玩室內放電遊樂場
室內遊樂場 | 屯門全新開幕playhouse佔地8900呎 有滑梯繩網、跳彈牀、沙池

全港遊樂場|41大兒童遊樂場推介 攀爬設施+可愛造型|親子好去處 (不斷更新)
親子好去處|卑路乍灣海濱長廊:夏日森林之舞 睇海景+打卡+遊樂設施
香港好去處 | 7月親子好去處/活動大全
恐龍 迷注意|夏日快閃:機動恐龍展 參加活動換紀念品
假日好去處|7.1長假活動合集 大型吹氣滑水梯+超靚打卡位+恐龍展覽
滑輪好去處|屯門11萬呎空中滑輪運動場 放電好去處
查看更多   ▸