室內遊樂場 | 銅鑼灣性價比極高playhouse 電動飛機、彈牀、木粒池


銅鑼灣皇室堡13樓1301室
全年適用

夏日炎炎,如果小朋友不在有冷氣地方,好快就會滿頭大汗,大家是時候又要重返室內遊樂場給小朋友放電 ! 有媽媽近日在個人專頁《搗蛋吉的日常》分享,到訪一間銅鑼灣playhouse,她坦言性價比極高! 

位於銅鑼灣的百田遊園有8大遊戲區域,媽媽特別提及場內可以玩電動飛機! 她表示,不少室內遊樂場都會有電動車玩,但電動飛機就未必間間有!  電動飛機除外型跟電動車不同,最主要是操作上都有很大分別。

電動飛機並非用軚盤,而是用兩支棍模仿飛機控制桿。媽媽分享操作教學,只推左邊就轉右,推右則轉左,兩邊一齊推就向前。

其他遊戲區:

微波爐充氣彈牀:裏面有兩隻不倒翁士兵同兩隻吹氣搖搖馬 ~搖搖馬好得意,不過兒子吉吉太瘋狂,搖了幾下就反馬! 

吸塵機充氣彈牀及滑梯:媽媽初初睇以為是一架跑車,但看看介紹才知道是吸塵機。滑梯有點短及矮,兒子吉吉看不上眼,所以他主力在跳微波爐彈牀。

木粒池:有兩部大的泥頭車,同十多部小的鏟泥車/泥頭車,還有多款不同的鏟。大鏟小鏟和鑊鏟都有, 無錯,是煮飯用的鑊鏟。

Tayo電動車及遊戲專區:Tayo架電動車不用自己揸,本身已set好左一直轉圈。吉吉玩4個圈就返去玩彈牀,而冬冬就好鍾意,揸住個軚盤轉了十幾二十個圈(他應該會覺得自己揸車好叻……)

積木城堡滑梯:除充氣滑梯,場內有兩條滑梯:Tayo小滑梯,另一條是積木城堡滑梯

幼童玩具區:煮飯仔、收銀台、木製及膠製路軌火車、玩具車停車場、一大堆幼童玩具

可坐的玩具車及跳跳馬:大約各7至8隻,還有少量兒童圖書

另外場內有24個有鎖儲物櫃可租用,不用額外付款,只需要付$100作按金,離開時會退回。如果不租借儲物櫃,旁邊都有儲物架放袋子。

媽媽坦言,「大家都怕呢家周圍都咁多人玩要同人迫,不過呢家百田重開初期,上限人數會減至25位小朋友。呢個好重要!唔使同人迫!所以想去就記住預約啦~」

價錢:正常價格為$210,11am至7pm(玩1小時45分鐘),但他們有個優惠時段 7pm至9pm 玩兩小時就只需$140。

媽媽覺得好抵,和估計這段時間會比較少人,為避開人潮所以選擇這時段去。這價錢已包一大一小,並未計大人額外收費。如果想額外多一個大人入場,要看看當時場內人數,人不算多就可以兩個家長一齊進入,如果多人就要輪流入。

媽媽覺得店舖好細心,因為在場外設置等候區,放有枱櫈,讓不能入場的家長有地方等待。

媽媽評價:

圖文經《搗蛋吉的日常》專頁授權轉載

 

百田遊園

地址:銅鑼灣皇室堡13樓1301室
營業時間:11am-9pm
Whatsapp電話預約:66007013
詳情:按此

 

其他閱讀:

室內遊樂場 | 屯門全新開幕playhouse佔地8900呎 有滑梯繩網、跳彈牀、沙池

室內遊樂場|樂富兒童室內遊樂場 罕見歷奇攀爬架+超長滑梯+免費工作坊|愛麗絲與劍橋爸


熱門文章

親子好去處|濕地公園遊樂場 放電勝地+參觀+打卡影靚相
澳南海岸 夏日至激賞2022 歎住冷氣室內放電
8月自助餐優惠| 24間酒店自助餐優惠大集合 最平兒童$182起 至抵價任食即開生蠔/和牛厚燒/波士頓龍蝦
親子餐廳 2022|全港32間親子餐廳合集 攀爬架/室內沙灘/靚靚打卡位
暑假度假|11間親子 Staycation 酒店優惠一覽|迪士尼+姆明+維港+挪亞方舟+歷奇體驗

免費活動|Web 3.0 及 元宇宙 夏日嘉年華 潮玩全球首個「 元宇宙 珍寶海鮮舫展覽」
親子好去處|曾用作檢疫設施 西貢戶外康樂中心月底重開
8月自助餐優惠| 24間酒店自助餐優惠大集合 最平兒童$182起 至抵價任食即開生蠔/和牛厚燒/波士頓龍蝦
暑假度假|11間親子 Staycation 酒店優惠一覽|迪士尼+姆明+維港+挪亞方舟+歷奇體驗
親子好去處│ 恐龍 出沒注意!3D恐龍電影+恐龍化石展*必睇預約攻略*
室內遊樂場 │37間康文署免費室內遊樂場合集
查看更多   ▸