| 日期 | 全年適用 |
剛完結的三日連假，最後一日天竟然係大晴天，個天仲好靚，即興安排一趟快閃自駕遊。
之前網上睇到上水馬草壟呢個地方，有壁畫有池塘，決定揸車去睇吓，今次路線近媽咪，約埋媽咪一齊去行下。今次我哋以馬草壟藍屋仔為第一站位置真的不算方便，但附近有小巴站，亦有很多人騎單車經過。
屋仔嘅壁畫的確幾可愛，環境都好舒服。之前呢度好似係餐廳，可惜已沒有營業，但到此一遊都唔錯。
入口位置 其中一段路一邊沒有扶手
時間尚早，出發去附近的古洞水塘，之前沒有做太多資料蒐集，就跟着地圖在古洞街市附近的路段前往。一去到已經係水塘位，風光都唔錯，然後就主要圍繞水塘走一圈，景色就係水塘景，而且路面比較窄，我哋係行到盡頭，就沿路折返，逗留左只係大半個鐘。
古洞水塘最有名嘅心形湖，就要行到高處先見到，我就冇行到上去，火子爸上去睇過，火子爸滙報，山路比較多沙石，行嘅時候要好小心！！如果想同心形湖打卡，最好着行山鞋同要注意安全啊！
兩個景點中間，其實仲去咗羅太豆腐花，可能算是難得的補給點，所以好好生意呢。
快閃兩個景點，大概兩個鐘已經完成，其實粉嶺上水還有不少好去處，大家不妨慢慢發掘。
謝謝收看，如果喜歡貓町媽媽的文章或想觀看更多親子玩樂情報，
歡迎到訪貓町媽媽的Facebook專頁:
<貓町媽媽 親子 玩樂 扮靚日誌>
https://www.facebook.com/catdingmama/
加我IG: catdingmama
https://www.instagram.com/catdingmama/?hl=zh-tw
作者：貓町媽媽
更多親子好去處：
