【大仁】青嶼另類遊：青馬橋下嘆Cafe◎玩火車

我跟SY說:「我哋去青嶼幹線訪客中心睇火車啦」, SY好像一早了解過的回答我:「我知道呀! 可以睇到青馬大橋架! (你點知呢?), 因為啱啱中文堂老師教咗」

1997年已開放的青嶼幹線訪客中心, 大鄉里的我從未來過, 魚子媽說:「吓? 你去觀景台呀? E個係我細細個嘅親子節目嚟喎」

我答:「因為那裏有間火車Cafe鐵道模型店, 可以放火車, 所以諗住帶SY去玩吓」, 魚子媽:「嘩！乜原來除咗放狗。依家連火車都有得放??」

由青衣站A1出口, 坐308M不用15分鐘便已經抵達目的地, 但車上有叔叔提示:「一個鐘頭得一班車咋, 你要睇回程時間呀!」

註:當日星期六, 本應18:00, 19:00也列上有回程小巴, 但結果我們由17:40等至18:30車影也不見. 不過坐的士回青衣站也只是$38元左右.

本來SY急不及待的想去看火車, 但我建議先吃午餐再慢慢玩, 於是我們便在和暖的日光下, 由汀九橋陪伴著嘆Cafe.

原來, 鐵道模型店由Peter主理, 而對面的Cafe則由Peter太太全權負責.

午餐有6款食物配飲品, 較小食亭多一點選擇, 最重要不是款式, 而是可以坐在風和日麗的環境下吃午飯.

奶醬厚西多+飲品 ($32), 腸仔意大利粉+飲品($42), 雜果沙律+飲品($42), 老實說即叫即製, 熱辣辣(沙律除外), 又有一個靚環境, 還想怎樣?

眼前風景實在太舒服, 加上好天氣, 此情此刻實在太寫意…SY:「原來, 枱底有好多火車雜誌喎」

吃罷午餐, SY已經以9秒9拉我入店內看火車. 店主Peter:「小朋友, 你可以隨便睇, 但就唔好亂攪D火車, 因為全部都砌得好辛苦呀!」

我跟Peter說, 我完全不懂火車, 今次是第一次接觸, Peter笑笑口:「如果你有興趣, 可以買一盒入門套裝, ($1380), 入面已經有晒火車, 控制器及路軌, 砌好就即刻可以玩」

突然間…旁邊一輛 蒸氣火車一邊鳴笛, 一邊噴煙向前行, SY即時被吸引得跟著火車不停轉圈.

Peter解釋:「火車有分兩種, 發聲嘅就係Digital 版本, 因為佢哋入面有粒ic ; 而另外一款, 即係入門級種類, 有聲嘅就平D, 叫Analogue」

原來, 火車還分為三個比例, 「G」最大, 一般外國人放花園玩;「HO」中Size, 細比例就是「N」.

之後有4-5名火車迷走來, 將自己帶來的私人珍藏, 擺在店內的大型路軌上「放車」

阿太:「我聽到佢哋話, 原來買滿$3,000, 就係會員, 咁就可以隨時嚟放車喎」

SY望著叔叔們放車, 一邊自己旁述, 一邊目不轉晴…我:「走啦…」, SY:「爸爸! 不如你買一盒啦…」

但是我們家怎會有位放一組路軌呢? SY:「玩完收番埋咪得囉」, 我:「咁不如你儲埋$980零用錢,我津貼你買一盒啦」, SY竟然答:「吓? 唔使啦, 我睇多5分鐘算啦」

阿太:「我都想買番D情景返去襯我D緣子」, 我答:「係喎, 花花草草、屋仔、人仔…可以做到杯緣子係巨人, 襲擊佢哋喎」, 阿太:「咁都係走啦, 我都係唔買, 你唔好打我D杯緣子主意呀!」

作者：大仁生活

大仁生活facebook

其他文章：

【大仁】愛麗斯喜歡甚麼信物：真‧ 秘密花園Cafe @ 旺角

【大仁】頭搖又尾擺：一邊食CAFE ‧ 一邊玩飄移 @ 荔枝角