為慶祝特區成立25周年，政府及各界為此在香港各區舉行了一系列的活動和好去處，一連三日的假期，大家可以睇吓有咩地方好去！不過提提大家國家主席習近平訪港期間，全港多區實施特別交通安排，特別是在港島，大家出門前記得睇清楚交通狀況。
海濱事務委員會舉辦「仲夏．維港」主題活動，邀請 Chocolate Rain、Messy Desk、菠蘿油妹妹及癲噹等本地設計師，為全港6 個海濱長廊換上新裝，變成睇得又玩得嘅好去處！
灣仔渡輪碼頭的「HarbourChill海濱休閒站」有9米高大型熱氣球裝置俾大家打卡留念，而旁邊的臨時巴士總站將改為「維港兒童自駕遊」遊玩設施並於7月3日開放，俾小朋友一嚐揸車心願，「自駕遊」活動啱晒鍾意車的小朋友，玩完又可以行吓海濱影相，一舉多得！
^場內各種動物造型裝置是透過循環再用的舊油桶及汽水樽而製成
^各種動物造型裝置是透過循環再用的舊油桶及汽水樽而製成
^活動將於7月3日開始，暫定會維持三個月，未來將視乎反應再作安排。
位置：灣仔鴻興道以北、灣仔碼頭有蓋行人通道以東的HarbourChill海濱休閒站
鄰近的灣仔水上運動及康樂主題區將會化身成為西部小鎮，大家可以在海邊吹住海風，曬吓陽光咁在維港探索小鎮風情。 另外，該處有20米的Chocolate Rain巨型畫作及藝術裝置，啱晒放空同打卡。小朋友最關心嘅一定係有無得玩，場內有小型遊樂設施及踩船仔，小朋友可以好好放電！
^灣仔水上運動及康樂主題區變身成充滿西部風情的小鎮。
位置：灣仔北沿鴻興道至鴻興道天橋對開的水上運動及康樂主題區
相關文章：灣仔海濱長廊 | 新景點海岸堤階＋維港踩船仔 | 貓町媽媽
連接金鐘添馬和會展的灣仔海濱長廊化身成城中沙灘，變身成「The Connector添馬海濱長廊」，大家可以在城市中享受沙灘的美好時光。
^長廊變成城中沙灘
位置：連接金鐘添馬和香港會議展覽中心的灣仔海濱長廊
位於炮台山的東岸公園由ARTA Architects的建築師透過會花火為主題的藝術裝置舉行帶來全新煙花匯演，將煙花實體化，日間看是蒲公英，晚間就會變成璀璨奪目的花火，裝置只作期間限家擺放，要打卡就快手了！
位置：炮台山屈臣道以西的東岸公園主題區