室內活動|《小王子》登陸MegaBox 5大打卡位+10呎高B-612星球


法國著名文學《小王子》(Le Petit Prince)一直都係世界各地大人同小朋友必睇故事之一,今個暑假,小王子嚟到香港,登陸MegaBox同大家見面,而且官方授權手稿及家書複本珍藏更加係首次喺香港亮相,爸爸媽媽記得帶小朋友一齊去「朝聖」!

設5大打卡位

由即日起至9月4日,MegaBox舉行「Le Petit Prince藝遊花園」,場地設計以木系為主,帶各位小朋友穿梭各個故事場景,其中5個打卡位都各有特色:

1. 小王子官方授權手稿珍藏藝廊

《小王子》經典手稿及家書複本珍藏,全部都係首次於香港亮相,極具觀賞價值!

2. 浪漫玫瑰打卡牆

《小王子》作者Antoine de Saint-Exupéry第一幅畫作《吞了大象的蟒蛇》將會以大型裝置展示,到時爸爸媽媽記得問吓小朋友,睇到嘅究竟係「帽子」,定還是係「吞了大象的蟒蛇」呀!

3. 小王子B-612星球

小王子嘅B-612星球有成10呎高,大大隻小王子企喺星球上面,記得同佢影番張相先好走!

4. 小王子巨型玫瑰花藝裝置

有小王子又點可以冇玫瑰花?呢個巨型玫瑰裝置高8呎,配合心形同星球形狀保鮮玫瑰,突顯小王子對玫瑰獨一無二嘅愛!

5. 夢想飛翔之旅

見到小王子興奮地坐喺飛行員嘅飛機上,伴隨一隻由飛行員為小王子繪畫嘅綿羊,希望小朋友可以發揮無限創意想像!

《小王子》期間限定店

現場仲有「Le Petit Prince x Hahahaflorist」期間限定店,推出一系列《小王子》限定精品,包括精美實用嘅小王子玻璃杯、小王子環保袋同小王子花瓶等等,粉絲們千萬唔好錯過!

MegaBox x Le Petit Prince藝遊花園

日期:即日起至9月4日
地址:MegaBox L5中庭

更多親子好去處:

恐龍 迷注意|恐龍登陸九龍公園 影相打卡+免費活動+特色奬品

室內活動|與迷你兵團齊齊打壞蛋@太古城中心 全新黃色功夫戰衣初次亮相


熱門文章

室內遊樂場|全港21大好玩室內放電遊樂場
親子餐廳 2022|全港32間親子餐廳合集 攀爬架/室內沙灘/靚靚打卡位
室內遊樂場 | 屯門全新開幕playhouse佔地8900呎 有滑梯繩網、跳彈牀、沙池
全港遊樂場|41大兒童遊樂場推介 攀爬設施+可愛造型|親子好去處 (不斷更新)
親子好去處|濕地公園遊樂場 放電勝地+參觀+打卡影靚相

鄰舍輔導會│「Uni-Lab 」奇幻藝術體驗展 感受殘疾藝術家的內心世界
親子活動|PMQ同創童樂教育節 挑戰7色彩虹團隊遊戲區
海洋公園 |水族館紮營Staycation+走進傳統住家艇|2日1夜 南區森海遊
免費活動|Web 3.0 及 元宇宙 夏日嘉年華 潮玩全球首個「 元宇宙 珍寶海鮮舫展覽」
親子好去處|曾用作檢疫設施 西貢戶外康樂中心月底重開
8月自助餐優惠| 24間酒店自助餐優惠大集合 最平兒童$182起 至抵價任食即開生蠔/和牛厚燒/波士頓龍蝦
查看更多   ▸