| 日期 | 全年適用 |
平時真係好少會入屯門，但聽到朋友極力推介佢樓下新開的playhouse好好玩，所以就約埋Aidan的朋友仔一齊去體驗吓新場地！原來地點好方便架！輕鐵建生站一出就到，仲可以俾班小朋友坐輕鐵，佢哋個個都勁興奮！
8,900呎的「 Kingdom TM 王國樂園 」真係好大，場內的遊樂設施好多元化！大型的迷宮區，入面有滑梯和繩網，啱哂小朋友盡情探索。
弟弟好鍾意氣球區，不停追住啲波波係咁拍。仲有玩具牙醫室、玩具廚房和玩具區等，小朋友仲可以係角色扮演區扮小廚師、醫生和護士，好有趣。
車道區有電動車可以玩，兩兄弟可以體驗揸坦克車，好有型呀！排隊玩電動車時都唔使怕無嘢做，因為旁邊就設有閱讀區，可以一邊睇圖書一邊等！車道區隔離就係跳彈牀區，有好多張彈牀俾小朋友任跳，放電一流！
最欣賞的地方係場內有好多職員，會提醒小朋友注意安全，又會同小朋友互動，態度好親切。我哋玩足兩個鐘，成班小朋友玩到唔捨得走，個個都話玩得好開心呢！
「 王國樂園 」場內環境好乾淨，我哋玩緊的時候都有見到清潔機械人會係場內進行消毒，每節結束後職員會重新整理玩具，為場地進行消毒清潔。另外，場內就有洗手間，更有提供拖鞋，好方便。而且洗手間好乾淨，也設有換片區，十分細心。
臨走時，職員仲會派波波俾小朋友呢！佢地好開心呀！真心推介「 Kingdom TM 王國樂園 」俾大家，小朋友一定會玩得盡興，我哋下星期又再去玩喇！期待見到你哋呢！
Kingdom TM 王國樂園
地址 : 屯門建生商場2樓09號鋪（惠康隔離）
—————————————
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : [email protected]
作者：安妮媽媽親子日記
更多文章：
