雖然我以前成日經過，亦知道有一個咁嘅公園，但居然開咗21年我未去過，究竟係咪有結界。
是日要去沙田大會堂睇音樂劇，順便諗住拎部iPad去整，去到apple shop就見到…….咦！係喎，未去過喎。雖然大家衣著都完全錯晒 (諗住睇音樂劇啊！ )，但都完全無損2位小姐的雅興。
場內有多個打卡位，天朗氣清下影起嚟好似去咗外國咁啊！
除咗影相，仲有個小朋友完全無法抵抗的snoopy playground，想點放電都冇問題啦！
有非常特別又免費獨木舟，雖然只係小遊一個圈，但其他地方好少有，睇落都覺得好好玩，所以長期排長龍。上次排隊嘅人好多，所以搭唔到，今次終於玩到啦！仲要唔使點排隊（2，3分鐘內可以上到船），一切都係……36度的溫度幫手。
上次嚟都係愈接近傍晚愈多人（好合理呀係咪！），今日連4點的時間都少人咗好多，唔好講咁多，玩2轉船仔先 。
獨木舟真係唔係好多地方有，而且仲要係免費，雖然得短短的一圈，但都一定影到靚相 。
每隻獨木舟可以坐2個人，如果矮過120cm就需要成人陪同。
玩完獨木舟，仲可以過埋去隔離放電。小朋友真係唔怕熱（但我怕 ），所以玩幾分鐘就俾我捉返入商場，等傍晚再出發！
地址:沙田新城市廣場3樓平台
開放時間：11：00 am – 7:00 pm
電話： 2697 9898
圖文獲 浠姐、小肥滺與金仔 授權
其他文章：
