| 日期 | 全年適用 |
今日預早計劃遠征太和，媽媽知道大埔開咗個新嘅兒童遊戲室，一於帶豬仔包順道體驗一下。
由於係啟用嘅第二日去，媽媽心裡有數會好多人，但出發前媽媽在網上完全找不到兒童遊戲室嘅時間表（連康文署網站當時都未更新資料），所以出發前已經同豬仔包講定有機會排唔到或者撞咗清潔時間冇得玩，打定底先。
一去到見到梳化位都有唔少人，媽媽就衝去問職員，好好彩攞到最後兩張籌，可以入去玩，媽媽終於放下心頭大石。由於每節只有30分鐘，所以等候期間，媽媽同豬仔包去定洗手間，響旁邊看看風景，好快就入場啦！兒童遊戲室以海洋世界為主題，大大隻嘅潛水艇非常吸睛，旁邊有大鯨魚口可以打卡，媽媽覺得如果加番對眼會比較好。
而最吸引豬仔包就係觸感板，來來回回玩咗幾次，由於場地暫時每節限27人，所以感覺很濶落，豬仔包亦都可以狂打筋斗。媽媽覺得呢個遊戲室非常適合細B，如果個潛水艇係有埋滑梯就完美啦。
時間過得飛快，好快就夠鐘離開了，走嘅時候媽媽見到梳化位同外面嘅等候區都坐滿人 ，而沿路亦見到不停有小朋友前往，職員姨姨話豬仔包如果想再玩，已經要等兩小時後的場次了 ，非常好彩我們早點去到，亦沒有碰上清潔時間。
場地沒有可攀爬的地方，對小朋友（尤其細B)嚟講相對安全，估計是希望可以讓多一點小朋友體驗，職員容許4歲以上小朋友可以不用家長陪同進入
地點：東昌街體育館
地址：新界東昌街25號大埔東昌街康體大樓3樓
入場限額：32
開放時間：
早上8時30分至早上9時
早上9時15分至早上9時45分
早上10時至早上10時30分
早上11時15分至早上11時45分
中午12時至下午12時30分
下午12時45分至下午1時15分
下午1時30分至下午2時
下午2時45分至下午3時15分
下午3時30分至下午4時
下上4時15分至下上4時45分
下午5時至下午5時30分
下午5時45分至下午6時15分
下午7時至下午7時30分
下午7時45分至下午8時15分
下午8時30分至下午9時
資料：按此
圖文獲 豬仔包の開心日常 授權轉載
其他文章：
