| 日期 | 全年適用 |
上年已留意呢個地方，又免費又有水玩又有教育意義，三小火實鍾意。展覽館分兩層——主題水資源和珍惜食水，別以為會好沉悶，透過科技+體驗+遊戲，加強孩子及大人對水資源和節約用水的認識。
「水+循環」簡直係孩子至愛，因為有水玩！雨水集之後，經過的每一個地方，例如水塘、水管、儲水池，都係一個玩水遊戲小關卡，有得釣下魚、放下水閘、砌下STEM水管、手動泵水，孩子樂而忘返，親身體驗水的循環過程，從 #遊戲中學習！
這個部分每節15min，有人數限制，如果人多需即場排隊，都要排的，這是 水知園 重點之一。好快就有，我哋都排咗兩次，記得帶多件衫替換。
二樓的展品都幾有趣，有半條運送東江水巨型水渠展品，有關於展示水壓的科學實驗展品，有關於水重量與體積的互動展品，以手提方式體驗一下水的重量。
香港人均住宅每日食水用量130公升，水重量 1 kg/L，130公升的水拎起上嚟有幾重？有興趣可以試吓 130kg的手提磅。
旁邊有一個拎極都拎唔到嘅重量磅，當人人以為係「你個嘢壞左」，請望真一啲，係1000 kg的 重量ok？應該只有雷神同美國隊長先拎得郁！
上網預約普遍週末都幾full，平日會好一點，3D球幕影院更是full上加full，我預約不到，不過在開場前早15min排walk-in少量位置剩下，有幸地入到。內容簡單直接，還不錯。
值得一提，影院外面的椅子，設計似水管，連裝飾也用真水錶，很有趣！
地址：新界天水圍天柏路20號水務署天水圍大樓
開放時間：星期一、二、四至日：上午10時至下午6時（最後入場時間：下午5時30分）
（星期三、農曆年初一及二 休館）
「 水知園 」只接受團體及個人申請預約參觀，參觀費用全免，有興趣請登入「網上預約系統」按指示作出相關申請。
資料：按此
圖文獲 護士Vi媽三小火 授權轉載
其他文章：
親子好去處│海港城恐龍現身綠綠草地 草地望住隻恐龍野餐 零舍有feel
玩水好去處｜全港22個 嬉水池 全面睇 邊個泳池最多滑水梯?
