香港兒童探索博物館 |佔地5500呎永久店 設多款遊戲體驗


媽媽之前帶豬仔包去過西灣河 香港兒童探索博物館 期間限定店,地方不大,今次搬到前幾個舖位的 香港兒童探索博物館 永久店,佔地5500呎,比之前大咗好多,所以多咗好多嘢玩。

由於媽媽很早已登記成為 兒童探索館之友 ,可以率先得到半小時試玩機會,但由於通知電郵跌咗落Junk Mail,差點錯過了報名時間。(已登記又未收到電郵通知嘅朋友,也請不時查看埋垃圾郵件啊!)

媽媽同豬仔包一去到見到落地大玻璃,加埋外面透入嚟嘅陽光,整個場地感覺非常舒服又有活力 。媽媽借用儲物櫃後,就開始我哋半小時探索之旅。儲物櫃同泳池一樣都係放$5就可以鎖上,開啟後可拿回,若沒有$5硬幣,可在前台以紙幣抵押,最後交還手帶和借用的硬幣便可取回抵押紙幣,非常方便。

由於只有半小時,之前玩過嘅「奇趣收藏館 」、「試飛吧!FLY IT! 」和「 砌水管 」等,都直接略過,豬仔包主力玩一些之前未玩過的部分先。

豬仔包首先玩係「故事小舞台 」,小朋友可以充當燈光師和音響控制員,配合演出的小故事進行燈光和音效控制。媽媽當然就響前面做小演員,豬仔包就做燈光師兼音響控制員啦 。不過媽媽明明響前面扮食嘢,加咗啲蟲叫聲其實都幾爆笑,非常唔配合。舞台兩旁都有變裝嘅服飾,小朋友可以創造百變形象,一嘗做演員滋味。媽媽覺得一個人唔好玩,要有幾個小朋友一齊合作先會好玩,下次約埋同學仔再去過吧!

 

第二樣吸睛嘅就係可以響落地玻璃度畫畫,整大塊玻璃變成畫紙,加埋外面嘅陽光 ,化身小畫家嘅豬仔包畫得份外起勁。館內窩心提供圍裙俾小朋友,唔驚整污糟衣服。最受歡迎小朋友歡迎嘅「水源號 」,豬仔包當然唔會錯過啦!同上次一樣,玩到唔捨得走、玩到有防水衣都會濕身,記得帶多套衫更換。

半小時極速就過去,隨便玩兩三樣都已夠鐘,豬仔包當然唔夠喉 ,但由於加鐘是一整節1.5小時,而當日下午又約咗婆婆,豬仔包唯有帶住依依不捨心情離開。

現在是試業中,不對外開放。只限兒童探索館之友 試玩,如果大家都想獲得半小時試玩,就響以下網址登記成為兒童探索館之友:按此

香港兒童探索博物館  Hong Kong Children’s Discovery Museum

地址:香港筲箕灣道 163 號地下
前往方法:西灣河地鐵站B出口行約5分鐘
聯絡方法:9845 5272 (只限WhatsApp ; 服務時間︰10:00 – 17:00)

圖文獲 豬仔包の開心日常 授權轉載

其他文章:

室內遊樂場|東昌街體育館兒童遊戲室 海洋世界+潛水艇+觸感板


熱門文章

澳門親子遊|一家四口入住澳門巴黎人天倫房 3日2夜玩轉酒店+新濠影滙|MuiGs
親子好去處|元朗圍爐煮茶親子花園+免費兒童玩樂區 寫意舒適高CP值$68起有得玩
元宵好去處|兔仔/金魚/熊貓變身成花燈 2大元宵綵燈展 免費入場
全港遊樂場|44兒童遊樂場推介 攀爬設施+可愛造型|親子好去處 (不斷更新)
消防處開放日|3大消防處開放日+防火嘉年華 附派發入場券詳情

親子好去處│免費欣賞逾400件學生創作的藝術品 @ 耀中耀華90周年藝術展
鄰舍輔導會│「Uni-Lab 」奇幻藝術體驗展 感受殘疾藝術家的內心世界
開放日|香港演藝學院開放日 音樂會+戲劇+後台導賞團+嘉年華
室內好去處|荃灣新開8,000呎Playroom 設轉轉咖啡杯+寵物店+射槍波波池|Kiana的成長日記
室內活動|一家大細齊變裝貴婦紳士 山頂一日遊+坐第6代纜車|護士Vi媽三小火
新年好去處2023|31大新春商場裝置/主題公園/海濱公園合集 卡通影相位+期間限定店
查看更多   ▸