第六代 山頂 纜車早前登場，吸引了不少市民乘搭。對我來說坐山頂纜車是兒時回憶，近年上 山頂 都係用其他交通工具代替。
第六代 山頂 纜車回歸，遇着早鳥價$50成人/$25兒童來回坐山頂纜車，一於帶三小火體驗一下坐纜車，當一天遊客的感覺。
落纜車，穿越凌霄閣一條記念品小巷，見到啲你未必會買的I Love Hong Kong 紀念品，果啲磁石呀、明信片呀、指甲鉗呀、開瓶器之類，我竟然有一種興奮嘅感覺！
畢竟疫情令到大家太耐無做遊客，10月底之前仍有優惠票價，有興趣上官網看看 山頂 纜車，預咗週末人多呀！
上到山頂有咩做？不妨去埋「港島富豪後花園」－柯士甸山遊樂場野餐，由 山頂 廣場只需行8分鐘斜路就到。
傳統英國維多利亞式設計的公園充滿氣派；優雅噴水池；英倫紅磚建築物，原來係最美公廁。公園依然保留住西方文化歷史氣息，也有在市區消失的英式木製長椅。
週末假期人流不算多，原本的大草地封咗一半，我哋仍找到位置野餐，不過孩子最開心係玩遊樂場！又玩到成頭濕晒。
圖文獲授權護士Vi媽三小火轉載
其他文章：
