智樂遊戲萬象館| 室內放電好去處 繩網+木粒池+污糟貓天地


終於訂到去 智樂遊戲萬象館 玩啦,遊戲室置身鐵路站附近嘅屋邨內,但一入去就如在另一國度,輕鬆放電數小時,以日本博物館為藍本嘅室內遊戲空間。讓小孩自由大玩3小時吧~~

1. 木粒池
木粒,鏟子同小車,小朋友發揮創意的小地方 = 大人的石春路,但職員教腳拖行就會暢通無阻。

2. 污糟貓天地
換上場地提供嘅拖鞋,入去有紙皮屋、紙板、粉筆等,攞正牌破壞與建設。

3. 各種攀爬架與繩網
穿梭色彩繽紛嘅世界上上落落,又可以爬去另一區探索,仲有紙板迷宮捉迷藏,繩網陣唔算勁高勁大,但人數有限給人較安心挑戰的感覺,湯圓亦喺呢度重重突破。

4. 環保小物
膠樽、廁紙筒、髮卷、玻璃紙、樽蓋,種種普通的東西,嚟到呢度都化身新奇玩意。

5. 幼幼區
自成一角嘅幼幼區,有個小圍欄門分隔,內有紙板矮滑梯、幼兒木玩閣、學步車、小鋼琴、圓圓木粒池、小彈牀玩意都夠幫幼幼放電。

6. 破壞與建設
簡單嘅軟墊屋、窗、磚頭,拆完又起 起完又拆三百回⋯

其實仲有磁石積木、煮飯仔、工程師等等,不能盡錄,留待大家發掘啦!

親子友善設施

1. 場內洗手間
場內男女洗手間設有兒童廁板及矮身洗手盆,女廁印象上有2格,有點窄,但場內搞掂晒係方便優勢。

2. 換片房
洗手間旁,無睇到咩環境。

3. 哺乳室
設於場內幼幼區

4. 儲物櫃與鞋櫃
自從去過黃埔嘅惡夢,就明白充足又企理嘅儲物櫃同鞋櫃並非必然。

智樂遊戲萬象館

萬象館採用預約模式,大家去之前記得要提早預約。
地址:香港新界大埔太和邨亨和樓地下117-128室(東鐵綫太和站B出口)
電話:2650 2607
開放時間:逢星期一休館;逢星期二、四上午10時至下午1時;逢星期二至日下午2時30分至下午5時30分;另設團體時間(詳情可按此
收費:單次進場
-平日 $120(1大1細)
-星期六、日及公眾假期 $160(1大1細)
-額外成人$50(最多一位)
-繳費進場之小朋友,其同行之弟妹(不足9個月)可免費進場

文章獲 吃喝玩樂小湯圓 授權轉載

其他文章:

香港兒童探索博物館 |佔地5500呎永久店 設多款遊戲體驗

親子好去處|香港都可以體驗即摘即食大大粒香印提子|80後新手飛行媽媽

 


熱門文章

消防處開放日|3大消防處開放日+防火嘉年華 附派發入場券詳情
全港遊樂場|44兒童遊樂場推介 攀爬設施+可愛造型|親子好去處 (不斷更新)
親子餐廳 2022|全港28間親子餐廳合集 攀爬架/室內沙灘/靚靚打卡位
親子好去處|賽馬會回收車出沒!二手市集+互動教育遊戲 賦予物品新生命
消防處開放日|3大消防局開放日+嘉年華 設攤位遊戲+充氣彈牀 免費入場

親子好去處│免費欣賞逾400件學生創作的藝術品 @ 耀中耀華90周年藝術展
鄰舍輔導會│「Uni-Lab 」奇幻藝術體驗展 感受殘疾藝術家的內心世界
室內活動|一家大細齊變裝貴婦紳士 山頂一日遊+坐第6代纜車|護士Vi媽三小火
新年好去處2023|31大新春商場裝置/主題公園/海濱公園合集 卡通影相位+期間限定店
新年好去處2023|韓式粉紅賀年派對 Esther Bunny蒞臨LCX迎接大家拜年
新年好去處2023|米奇唐老鴨化身招財貓達摩 登陸時代廣場
查看更多   ▸