夏日炎炎，疫情之下唔去旅行又要揾揾新搞作，終於嚟呢度找數，地方唔算大，價錢亦唔平，但氣氛夢幻感100%，孩子滿意度100%，一家歡樂度100%。
裝備（場地提供免費 禦寒衣物）：未進場，大人細路都要先着裝，雪褸、手套、即棄鞋套、成個感覺開始出嚟啦喂！
彷彿進入另一國度，好凍呀，冰天雪地。場地佈置成又有北極熊、又有南極企鵝、又有實體聖誕樹、又有飄雪、又有夢幻光、背景又貼晒雪地牆紙，夠滿足小孩眼球同體感。
凍冰冰瀡滑梯，唔算高但都幾夠速度，仲有個洞穴，濕滑嘅雪路走走走，又有啲波波、車仔、鏟子，夠打下雪仗堆下雪球啦。
場地真係一房睇晒，20分鐘體驗對大人就夠晒啦，但湯圓就唔捨得走，最近都仲係話「最鍾意去雪雪果度」，咁呢份開心同回憶都係無價嘅！
我哋之後再出去玩下機動，仲試咗個嗰甚麼VR影院，個人唔建議呀，都刺激嘅，但畫面好Dark，內容對湯圓甚為驚恐，大家有睇過嗎？
地址：九龍灣展貿徑1號九龍灣國際展貿中心B1層118- 132號舖
電話 : 2116 4042
時間：星期一至五 12:00 – 20:00；星期六日及公眾假期 12:00 – 20:30
收費（20分鐘）：會員 88幣 / 每位；非會員 $108HKD / 每位（大小同價）
注意事項：雪地濕滑，穿拖鞋及孕婦恕未能招待，100CM以下及未能行走之小孩未能招待
＊毋須預約，防疫期間只限15人於室內，並保持4人一組
文章獲 吃喝玩樂小湯圓 授權轉載
其他文章：
百田遊園 ｜4000呎充氣彈牀樂園 $180跳足105分鐘 盡情放電
