親子燒烤場 | 大尾篤親子燒烤場 超大海景+玩水設施+BBQ


親子燒烤場 |呢幾日感受到點秋涼喇,又到咗燒烤BBQ嘅季節!我哋急不及待即刻去燒,呢度四月新開幕,新淨乾淨,望住海景燒嘢食景觀超靚,我哋嗰日去一陣陣海風勁舒服,燒烤場有瓦遮頭有大風扇,非常通爽唔焗。老公好怕熱㗎,都話好唔錯。

帶小朋友去燒嘢食梗係要有嘢玩啦,有大草地小朋友任跑!彈牀、滑梯、攀爬、歷奇⋯最正係個勁大充氣彈牀玩水 另外仲有籃球機、單車、鋼琴⋯唔止玩仲有動物睇!有兩隻孔雀、大龜、魚魚 以上入場燒烤全部免費任玩!性價比高,任玩任食5小時,平日成人$160/小童$100,90 cm以下免費!

食物方面款式選擇都幾多,味道都唔錯,唔會死鹹!幼兒啱食有麵包、番薯、粟米蔬菜、雞扒都啱妹妹食! 有冰菠蘿買,爽!當日我哋假日去都唔多人,玩得勁開心勁舒服!

我最鍾意小朋友玩樂嘅地方就係圍住燒烤場側邊,揀側邊位坐方便大人可以望住啲小朋友玩!留意充氣彈牀玩水嗰邊係向西嘅~四五點開始會晒住燒烤 ,哋揀咗向海嗰邊真係一流,唔晒唔熱!

玩水記得帶泳衣,有沖身嘅地方,夾公仔機另外收費,其他全部免費任玩。仲有獨木舟、露營玩,需要另外收費。

鴻運燒烤煌

地址:大埔大尾篤汀角路202號
電話:9448 7890
詳情:按此
*鴻運燒烤煌日前宣布預計嬉水池開放大約到10月中,視乎天氣而定,由嬉水池開放時間只於星期五、六、日。

圖文獲 初初媽媽 ChochoMama 授權轉載

其他文章:

親子好去處|漁農自然護理署 免費參觀瀕危物種+毛皮+活生寵物

親子好去處|濕地公園遊樂場 放電勝地+參觀+打卡影靚相


熱門文章

Playroom|小朋友化身小小賽車手! 波波池+越野賽車+角色扮演|Kiana的成長日記
聖誕2022 ︳15間聖誕酒店住宿 Staycation優惠一覽 胡桃夾子主題+聖誕尋寶+迪士尼聖誕舞會入場券
親子餐廳 2022|全港28間親子餐廳合集 攀爬架/室內沙灘/靚靚打卡位
全港遊樂場|44兒童遊樂場推介 攀爬設施+可愛造型|親子好去處 (不斷更新)
聖誕好去處|荔園聖誕嘉年華登陸將軍澳 5大攤位遊戲+聖誕派對+工作坊

全港遊樂場|44兒童遊樂場推介 攀爬設施+可愛造型|親子好去處 (不斷更新)
Jumptopia充氣城堡嘉年華進駐屯門!5大巨型彈跳城堡+4.5 米高充氣長滑梯
昂坪360|全玻璃車廂登場 360度零死角飽覽大嶼山美景|附票價詳情
聖誕好去處2022|利東街聖誕變身「復古經典的士高」
聖誕好去處|荔園聖誕嘉年華登陸將軍澳 5大攤位遊戲+聖誕派對+工作坊
親子好去處| 將軍澳 「由早玩到晚」一日行程
查看更多   ▸