遊樂場好去處|觀塘 感官花園 4個區域+嬉水地方+睇日落


想帶小朋友去公園放電 ,太陽太晒驚中暑 ,落雨又濕晒無得玩,咁觀塘呢個公園就啱哂啦 。呢個公園叫做 「 感官花園  」坐落觀塘海濱公園 ,因為位置在天橋之下,所以不怕日晒同雨淋 。

當日我哋係黃昏時段去到,有海風吹住,好舒服 ,完全唔覺得熱。「 感官花園  」有4個區域,「聽覺 」,「視覺 」,「觸覺 」和「嗅覺 」區。

豬仔包最鍾意係「聽覺 」區,有得敲鐘,又可以聽吓風聲同音樂 。而媽媽就覺得「嗅覺 」區有驚喜,一開始聞係無味,原來要按下半圓球,等空氣流動,就可以聞到青草味道,好特別。

由於感官刺激能幫助兒童腦部發展,加強記憶力和提升學習能力等等,非常適合幼兒去探索一下 。除咗4個區域,還有一些遊樂場設施,而且空間廣闊,小朋友周圍走都唔怕撞親。

玩完「 感官花園  」,豬仔包再玩埋對出小小嘅「兒童遊樂場 」,一個好似長蛇嘅裝置豬仔包來來回回玩到停唔到,另外個攀石裝置,媽媽覺得係打橫爬,但又完全想像唔到應該點爬先可以獨自爬到尾又唔會跌落嚟 ,可能大一點嘅小朋友才能做到吧。

除咗遊樂場 ,原來仲有玩水嘅地方 。豬仔包其實未玩「 感官花園 」之前見到有小朋友玩,已經想衝過去,但因為媽媽唔知有水玩,所以無特別帶多套後備衣服。

但玩完所有遊樂設施後,豬仔包仍然念念不忘個噴水裝置,媽媽嘗試打開個袋揾吓會唔會之前帶嘅衫無攞出嚟,又真係比媽媽揾齊所有後備衣物,除咗褲 ,由於豬仔包真係太想玩,唯有着住底褲仔玩啦。一開始,發覺係無水噴出嚟,後來先揾到原來地上面有個開關感應,踏上去先會噴水出嚟,又幾真係幾環保喎 。

豬仔包一開始有少少驚,只敢圍住噴泉外面行,不過玩咗一陣,已經可以慢慢嘗試行近啲,到最後梗係走嚟走去玩得勁開心啦。唔單止小朋友,仲有兩個大哥哥姐姐後來都加入玩埋一份,如果唔係趕住番屋企,豬仔包應該可以玩好耐。

除咗玩樂,響風和日麗嘅日子,仲可以響草地野餐 ,散吓步,吹吓海風,非常Chill,仲可以體驗一下低碳綠色生活添。

感官花園  Sensory Garden

地址:觀塘海濱路175號
音樂噴泉及嬉水區 開放時間: 每日上午8時半至晚上10時半(定期保養日除外)
電話:2346 8538
詳情:按此

圖文獲 豬仔包の開心日常 授權轉載

其他文章:

公園好去處|香港隱世 恐龍公園 恐龍蛋化石+攀爬架+大型城堡滑梯

室內遊樂場|東昌街體育館兒童遊戲室 海洋世界+潛水艇+觸感板


熱門文章

消防處開放日|3大消防處開放日+防火嘉年華 附派發入場券詳情
全港遊樂場|44兒童遊樂場推介 攀爬設施+可愛造型|親子好去處 (不斷更新)
親子好去處|賽馬會回收車出沒!二手市集+互動教育遊戲 賦予物品新生命
親子餐廳 2022|全港28間親子餐廳合集 攀爬架/室內沙灘/靚靚打卡位
消防處開放日|3大消防局開放日+嘉年華 設攤位遊戲+充氣彈牀 免費入場

全港遊樂場|44兒童遊樂場推介 攀爬設施+可愛造型|親子好去處 (不斷更新)
消防處開放日|3大消防處開放日+防火嘉年華 附派發入場券詳情
親子行山|九龍公園九龍西二號炮台 偽宮崎駿城堡行山徑 | 龍鳳孖媽
親子好去處|賽馬會回收車出沒!二手市集+互動教育遊戲 賦予物品新生命
新年好去處2023|31大新春商場裝置/主題公園/海濱公園合集 卡通影相位+期間限定店
新年好去處2023│利園區攜手香港紙藝藝術家 帶你體驗沉浸式感受新春藝術氣息
查看更多   ▸