| 日期 | 全年適用 |
自細好喜歡帶肉丸朗去大自然，教育環保的概念，「愛護環境 、由小做起」。今次我哋出發去西貢紅樹林探險，由於紅樹林多數喺岸邊，要深入紅樹林，就要靠獨木舟啦，由於我好多年冇爬獨木舟，今次選擇參加由獨木舟教練帶領嘅紅樹林生態之旅！
好難得的機會喺海上面觀賞紅樹林，經驗教練除咗確保我哋安全，仲會化身成為生態導師，介紹紅樹林嘅獨特風光！我哋見到黑臉琵鷺、招潮蟹、彈塗魚⋯⋯喺海面上面係咁睇到飄浮嘅水筆仔！是次課程仲有望遠鏡同紅樹林生態圖鑑裝備，肉丸朗不斷探索紅樹林究竟有咩生物，而且海上路段係內灣無風無浪，肉丸朗不斷爬得好開心！
▪️海洋生物的生長與發育環境
落葉為無數海洋生物提供食物，為各類幼魚、蟹、蝦、軟體生物、海馬和海星等提供棲息、交配和育幼的場地。
▪️鳥類的遷徙中繼與棲息的好地方
泥灘上的蟹和生物為着要提供不少食物。
▪️衝擊保護海岸的天然屏障
有穩固海岸、防止侵蝕、淨化水質、防風與減少暴潮海浪的重要作用。
簡單來講，紅樹林係孕育不同生物的家，必須好好保護～
報名詳情：按此
文章獲肉丸朗之快樂日常授權轉載
更多文章:
