上次豬仔包同同學仔遠征屯門，去完百田遊園 playhouse之後，我哋去咗 爬蟲館 ， 爬蟲館 在屯門公園内。
未入館之前，在館外已有大量假嘅爬蟲可以打卡，不過我哋行到滿頭大汗 ，又差不多已到閉館時間，梗係急急腳入館參觀兼嘆冷氣先啦！原先媽媽意為係睇標本，入到去先發現大部分都係真的！
最吸引豬仔包同同學仔嘅，一定係兩隻盾臂龜 ，因為佢哋真係好大隻呀，仲要咁啱我哋睇嘅時候係咁行嚟行去（龜速 ），兩個小朋友好開心係咁同龜龜打招呼。除咗大龜之外，仲有蟒蛇同蜥蜴等爬蟲類動物，媽媽最深刻嘅就係隻游緊水嘅豬鼻龜 ，個樣真係好可愛。
參觀完之後，我哋就出番門口打卡，估唔到兩個小朋友表情動作多多，同啲展品好有互動，仲開心過響展館睇爬蟲。打完卡我哋就向屯門共融公園進發啦！
開放時間： 每日9:00 – 18:00 (包括公眾假期)
費用：全免
地址：屯門屯門鄉事會路
圖文獲 豬仔包の開心日常 授權轉載
其他文章：
