| 日期 | 全年適用 |
只要踏進愉景灣，你就好似飛咗去歐洲小鎮～適逢肉丸爸爸媽媽結婚周年紀念，決定再去愉景灣酒店度假～GO (玩係要藉口嘅‼️）愉景灣要兩日先玩得晒啲景點！
行程第一站，先到三白灣玩原始木製沙灘遊樂場，跟住就食飯啦！結婚周年大餐用心選擇，我哋去新開嘅愉景廣場牡丹軒食中菜，早早訂咗位坐喺上層位置，270度落地玻璃包圍美景超舒服，樓底高充滿空間感，成餐飯忍唔住成日望向天花板。
我今次book咗山景豪華大牀房，包姆明下午茶+早餐，望住大家游水都幾過癮！一入房就見到好多姆明裝飾，有姆明小夜燈、cushion陪住我哋瞓，仲有姆明拖鞋、行李牌同化妝袋俾我哋攞走留念。
最特別我哋參加咗親親馬兒活動，探探愉景灣嘅白馬，請佢食草！咁近距離見到咁大隻馬真的很興奮！
愉景灣酒店親親馬兒活動，會一齊步行到馬房近距離探訪，可以餵Goliath食草，一齊打卡合照！
需在洒店Check in時book，每位收費$35，先到先得，每天上午只有一節10:30am，詳情請向香港愉景灣酒店查詢。
文章獲肉丸朗之快樂日常授權轉載
更多親子好去處：
環境保育｜爬獨木舟入紅樹林學保育 親親黑臉琵鷺/招潮蟹｜肉丸朗之快樂日常
