| 日期 | 全年適用 |
秋高氣爽，最適合就係去農莊遊玩喇！早前就帶一對小兄妹去到大埔嘅【童話世界農莊 Cinderella Farm】，位置喺蝶豆花園隔離，早啲嚟，可以一次過玩晒兩個農莊！今次嚟到農莊，原來正正舉行緊「香港首次大型三角梅花展」，增添咗好多打卡位呀！
三角梅花展就以動物造型為主題，20個造型包括：12生肖、駿馬、天鵝、恐龍、啤啤熊、公主裙、彩虹拱門等等……睇下隻啤啤熊！好cute呀！嗰邊隻恐龍好大隻呀！另外仲有哈比村、旋轉木馬、彩虹小屋、 彩虹花花隧道，打卡都好靚架！
打完卡，兩小嚷着要去親親小動物！親手餵山羊、兔仔同烏龜，最興奮係可以餵馬呀！我哋第一次咁近距離接觸馬匹，估唔到阿妹大膽過小b哥哥好多，對兩兄妹黎講係個好好嘅體驗！至於玩樂方面，有七彩長滑梯、攀爬架、滑梯、彈牀等等，小朋友盡情放飽電！
地址：大埔鳳園路8號
開放時間：每日 10am – 6pm
*於大埔火車站A出口或大埔中心巴士總站都有綠色小巴到達門口*
作者：鄭小B之成長日誌
更多親子好去處：
